8 теле
| ← теле → | ||||||
| Шч | Кш | Вр | Из | Кг | Шм | Рш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
| 2024 ий | ||||||
8 теле (8 декабрь) — григориан кечышот почеш идалыкын 342-шо (кужемдыме ийлаште — 343-шо) кечыже. Идалык пытыме марте 23 кече кодеш.
Пайрем да памятный дате-влак
[тӧрлаташ | кодым тӧрлаташ]
Россий — Казначействын кечыже
- Сӱретчын калык-влак кокласе кечыже.
Болгарий — Студент кече.
Йӱдвел Македоний — Студент кече.
Румыний — Конституций кече.
Узбекистан — Конституций кече.
Финляндий — Финн мурсемын Ян Сибелиусын кечыже [1].
Лӱмгече
[тӧрлаташ | кодым тӧрлаташ]- Александар, Василий, Кузьма, Павел, Илларион, Климент, Григорий, Иван да Ярослав–влакын лӱм кечышт.
Событий-влак
[тӧрлаташ | кодым тӧрлаташ]Тугак ончо: Категорий:Теле тылзын 8 кечысе событий-влак
- 1966 ий — Козьмодемьянскыште «Потенциал» заводым ыштыме кече.
- 1955 ий — Евросоюзын тистыжым пеҥгыдемдыме.
- 1987 ий — Америка ден Совет Ушем коклаште кокла да изи кужытыш шушо ракет-влакым ликвидироватлыме нерген вашкелшыкым пеҥгыдемдыме.
- 1991 ий — Совет Ушемын шаланымыже да СНГ-м ыштыме нерген вашкелшыкыш кидым пыштыме.
Шочыныт
[тӧрлаташ | кодым тӧрлаташ]Тугак ончо: Категорий:Теле тылзын 8 кечынже шочшо-влак
- 1915 ий — Луков Паю, марий серызе, туныктышо, драматург, Марий АССР-ын сулло туныктышыжо (1951), Кугу Ачамланде сарын участникше. Туныктымо пашаште, сылнымут аланыштат тудо моткоч кугу пашам шуктен шоген. «Изи годым», «Йӧратыме туныктышо», «Ура шӱман еҥ» повесть ден ойлымаш книгалаж дене палыме.
- 1946 ий — Мазуркин, Петр Матвеевич, шанче пашаеҥ, Россий Федерацийысе кӱшыл школын сулло пашаеҥже. 1972-шо ий гыч тудо Марий кугыжыныш техник университетыште пашам ышташ туналын. Шанче лабораторийын изирак шанче пашаеҥжылан тыршен да профессор марте шуын. Пӱртӱсым тӱзатыме кафедрын вуйлатышыжланат тыршен. Академик. Марий Эл Республикысе шанчын сулло пашаеҥже.
- 1920 ий — Воронцов, Павел Степанович, партий да администраций пашаеҥ, Шернур кундем Ошет ялыште шочын. У Роҥго кундемын кӧргӧ илышышыжым чоҥымаште шуко вийым пуэн. 15 ий шӧр йӧнозанлык ушемын вуйлатышыжлан тыршен. «Знак Почёта», Кугу Отечественный сарын икымше степенян да маршал Жуковын кумшо степенян орден-влак дене, тыгак ятыр кугыжаныш чап танык дене палемдалтын. У Роҥго кундемын почётан гражданинже.
- 1951 ий — Звягинцев, Николай Ефимович, У Роҥго кундем Пандуш ял гыч ял озанлык пашаеҥ, Россий Федерацийын сулло механизаторжо. Ӱмыржӧ мучко ял озанлык пашалан пӧлеклен: «Советский» совхозышто 36 ий трактористлан ыштен.
- 1951 ий — Александр Павлович Мимеев, инженер, астрономийым йӧратыше тыглай пашазе. 1984-ше ийыште, Йошкар-Олалан 400 ий темме лӱмеш пайремлан тудо Крым обсерваторийын пашаеҥже-влак деке тыгай темлымаш ден лектын: у почмо планетылан «Йошкар-Ола» лӱмым пуаш. Тыге Марий Эл патриотын полшымыж дене сандалыкыште мемнан рӱдолана лӱман планет шочын.
Коленыт
[тӧрлаташ | кодым тӧрлаташ]Тугак ончо: Категорий:Теле тылзын 8 кечынже колышо-влак
- 1974 ий — Валентин Колумб, марий серызе, почеламутчо, кусарыше, журналист, СССР Серызе-влак ушемын йыжъеҥже (1961), Олык Ипай лӱмеш марий комсомол премийын лауреатше (1968).
Калык пале
[тӧрлаташ | кодым тӧрлаташ]Климентийын кечыже.
- Ожно тиде кечын пеш оҥай йÿлам шуктеныт: эрдене кеч-могай пашам шужышо мÿшкыр дене тÿҥалман улмаш. Пашам ыштен пытарымек веле кочкаш шичман.
- Тошто калыкын ойжо почеш ты кечын шочшо азан суртшо воктеке пире-влак толыт, сандене оза-влаклан уремыш лекташ тыршыман огыл.
- Агытан-влак эрдене эреак мурат гын, лишыл жапыште шулыкташ тӱҥалеш. Такшым тиде кечын эреак йӱштӧ.
|
8 теле Викиклатыште? |
|---|
- ↑ В Финляндии впервые официально отмечают день рождения Яна Сибелиуса Архивная копия от 12 теле 2019 на Wayback Machine / kp.ru