Matti Pellonpää

Dit Woort hett noch annere Bedüden: kiek dorför ünner Matti Pellonpää (Jurist).

Matti Pellonpää (* 28. März 1951 in Helsinki; † 13. Juli 1995 in Vaasa) weer en finnischen Schauspeler.

Leven un Wark

Pellonpää füng sien Loopbahn 1962 as Mitspeler bi’t Höörspeel an bi de staatlichen finnischen Rundfunkanstalt YLE. Siet Anfang vun de 1970er Johren hett he as Schauspeler an verschedene Amateurtheaters speelt. Wiel disse Tiet möök he en Utbilln an de Finnischen Theater-Akademie, de he 1977 afslaten hett.

In de 1980er Johren is he vör allen dör Filmen vun de Bröder Aki un Mika Kaurismäki ok internatschonal bekannt worrn, in de he tomeist sellschoppliche Butensieters speelt hett.

Pellonpää is an’n 13. Juli 1995 an en Hartinfarkt doodbleven.

Filmografie (Utwahl)

Johr	Titel	Synchroonsnacker
1970	Akseli ja Elina
1976	Antti Puuhaara dt.: Waldapfel
1977-78	Perjantaita, Feernsehreeg
1980	Juna
1981	Valehtelija dt.: Der Lügner
1982	Arvottomat dt.: Die Wertlosen
1983	Rikos ja rangaistus
1984	Rakkauselokuva
1986	Varjoja paratiisissa dt.: Im Schatten des Paradieses
1988	Ariel dt.: Ariel – Abgebrannt in Helsinki
1989	Cha Cha Cha
1989	Leningrad Cowboys Go America
1990	Räpsy ja Dolly eli Pariisi odottaa
1991	Zombie ja Kummitusjuna dt.: Zombie und die Geisterbahn
1991	Night on Earth	—
1992	La vie de bohème dt.: Das Leben der Boheme
1993	The Last Border – viimeisellä rajalla dt.: Die letzte Grenze
1993	Pankkiherroja, Feernsehreeg
1994	Pidä huivista kiini, Tatjana dt.: Tatjana	Oliver Stritzel
1994	Leningrad Cowboys Meet Moses dt.: Die Leningrad Cowboys treffen Moses
1996	Kauas pilvet karkaavat dt.: Wolken ziehen vorüber

Utteken

Pellonpää is in sien Loopbahn tweemol mit Fimpriesen uttekent worrn. Wunnen hett he

• 1991: den Jussi Award in de Kategorie Best Dorsteller för Räpsy ja Dolly eli Pariisi odottaa
• 1992: den Europääschen Filmpries in de Kategorie Best Dorsteller för La vie de bohème

Weblenken

• Matti Pellonpää in de Internet Movie Database (engelsch)
• Faktensiet över Matti Pellonpää mit Foto (engelsch)