Otto Lauenstein

Friedrich Adolf Otto Lauenstein (* 17. Januar 1829 in Arzen; † 24. Februar 1902 in Lümborg) weer en düütschen Politiker.

Von Lauenstein is 1829 as Söhn von Julie Caroline, borene Mehliss (2. November 1790-31. Oktober 1861), un den Pastoor Christian Ludwig Carl Lauenstein (7. Januar 1790-31. August 1838) in Arzen boren un weer von 1843 bet 1846 op dat Gymnasium Holsminn. He hett denn von 1846 bet 1849 an de Universität Göttingen Juristeree studeert. Na dat Studium is he 1853 Avkaat bi dat Obergericht Lümborg worrn. 1858 is he in Lümborg Börgervörsteher worrn un 1865 Syndikus. In de Tied von 1880 bet 1. April 1894 weer he Böverbörgermeester von Lümborg. He weer Gehemen Regerungsraad.

In’n Hannöverschen Staatsraad weer he 1854 un 1864 Afornten. He weer von 1867 bet 1885 för den Wahlkreis Hannover 28 (Lümborg) Afornten in dat Prüüßsche Aforntenhuus. He weer in de Natschonalliberale Partei un hett dor to’n geschäftsführenden Utschuss höört.

Ok in’n Provinziallanddag Hannover un de Landschop von dat Förstendom Lümborg weer he Afornten.

An’n 2. August 1855 hett he in Zellerfeld Friederike Dorothea Antonie Ottilie Illing (25. Februar 1828-10. Juni 1914) freet. De beiden harrn de Kinner Ernst August Anton Hermann Otto (1. Februar 1857-3. Oktober 1916), Julie Marie Charlotte Henni (26. Oktober 1858-18. August 1933), Minna Auguste Alwine Antonie Ottilie (4. April 1860-8. September 1936), Martha (14. August 1862-27. März 1882), Marie (29. Februar 1864-29. April 1933) un Elisabeth (12. Juli 1868-10. März 1949).

Weblenken

• Ehrenpokaal för Lauenstein bi dat Museum Lümborg (hoochdüütsch)