Achille Luchaire
Denis Jean Achille Luchaire (París, 4 d'octobre de 1846 – París, 13 de novembre de 1908) estot un erudit, filològ e istorian francés d'origena occitana. Au començament de sa carrèra de professor, a Pau e a Bordèu, s'interessèt a l'istòria e a las lengas deu país: publiquèt sas tèsis de doctorat sus l'aquitan (tèsi en latin) e Alan II de Labrit (tèsi en francés). Publiquèt libes de consequéncia suu gascon. Totun, après son arribada a París, en 1885, non hesoi mei estudis suu gascon ni sus l'istòria de Gasconha: se virèt cap a l'istòria de l'estat francés medievau.