چھاہ ویلا

چھاہ ویلا، پنجابی رہتل وچ ویلے دی اک ونڈ اے تے دن رات دے اَٹھ پہراں وچوں اک پہر اے۔ چھاہ ویلا صبح 9:00 بجے توں دوپہر 12:00 بجے تک دا ٹائم اے۔

اس ویلے نوں چھاہ دے ناݪ منسوب کیتا جاندا اے۔ پنجابی وڈکے لسّی نُوں چھاہ بولدے سن۔

واہی بیجی کرن آݪے پنجابی، چھاہ پی کے کھیتاں نوں جاندے نیں یا سواݨیاں لسّی کھیتاں وِچّ پُہنچا دیندِیاں نیں۔ ناشتا کرن دے اس ویلے نوں پنجابی لوک چھاہ ویلا بولدے نیں۔

چھاہ ویلے تے چھاہ نوں پنجابی شاعر ایداں بیاندے نیں :

ہویا چھاہ ویلا جدوں وِچّ بیلے
پھیرے آݨ پئے سسّی پنّواں دے

— وارث شاہ

کوئی چھاہ دے کارن گھم گھم چاٹی
تے مکھݨ کارن مدھاݨیاں نیں

— علی حیدر