Biella
Articulu in logudoresu
Biella (“Bièla” in limba peemontesa) est una comuna italiana de 43.733 abitadores, cabitale de sa provìntzia numenale de su Piemonte tramuntanesu. Sa bidda s'agatat in pee de sas Arpes Biellesas, e s'esistèntzia sua est atestada zai dae s'Edade Mèdia arta. Dominada posteriormente dae sos pìscamos de Bertzeddi, in su 1379 fiat colada a sos Savoias. In su barigare de su Milliotughentos, Biella aiat cunnotu un'isvilupu mannu urbanìstigu e industriale, devenende luego fontomada pro sas indùstrias suas pannamentales. Sunt numerosas sas testimonias istòrigas e artìstigas de su tempus suo coladu; intre sas prus importantes, s'amentant su Bautistèriu de Biella, sa catedrale, su Campanàriu de Santu Istèvene, gasi che paritzas billas e palatzos.