基里地馬地

基里地馬地島嘅相（由美國太空總署喺國家太空站嗰度影嘅）

 基里地馬地（粵拼：gei1 lei5 dei6 maa5 dei5） （英文：Kiritimati）係太平洋一個珊瑚礁。占士曲喺1777年12月24號發現呢個島，所以叫做聖誕島。響珊瑚礁之中，用陸地面積來計，佢係世界最大嘅。唔單止咁，佢重係現存最古老嘅珊瑚礁。響1956年到1962年之間，英國同美國喺呢度做核試。個島今日係屬於基里巴斯。

基里地馬地亦係世界上最早迎接新年同埋日出嘅地級市。佢喺立國之後，時區一直係UTC-10，直到1994年12月30號，基里巴斯政府宣佈將佢本國時區改成UTC+14而跳過咗1994年12月31號而直接入咗1995年元旦。另外，佢雖然同兩個美屬無人島——豪蘭島同貝克島只係一海相隔，但係有26個鐘頭時差。