Dr Staat Palestina
| دولة فلسطين | |||||
Daulat Filastīn | |||||
| Staat Palestina | |||||
| |||||
| Amtsspraach | Arabisch | ||||
| Hauptstadt | Ostjerusalem (beaasprucht) Ramallah (de facto) | ||||
| Staatsoberhaupt | Bresidänt Mahmud Abbas[1] | ||||
| Regierigschef | Brömieeminister Mohammed Schtajjeh1 | ||||
| Flächi | 6.020 (Westjordanland 5.655 km², Gasasträife 365 km²) km² | ||||
| Iiwohnerzahl | 4.976.684 (2019) 2 | ||||
| Bevölkerigsdichti | 779,90 (8.) Iiwohner pro km² | ||||
| Gründig |
| ||||
| Nationalhimne | Bilādī | ||||
| Nationalfiirtig | 15. Novämber | ||||
| Zitzone | UTC+2 | ||||
| Kfz-Kennzeiche | PS | ||||
| ISO 3166 | PS, PSE, 275 | ||||
| Internet-TLD | .ps | ||||
| 2 D Zaale zur Flechi und Iiwooner umfasse s ganze beaspruchte Staatsgebiet und stamme vom palestinänsische Statistikamt.[2][3] | |||||
 | |||||
 | |||||
Dr Staat Palestina (arabisch دولة فلسطين) wird internazionaal vo de mäiste Staate as staatligi Äihäit anerkennt, aber d Staatligkäit isch völkerrächtlig umstritte.[4][5] Er isch am 15. Novämber 1988 z Algier vo dr Palestinensische Befreijigsorganisazioon (PLO) as Staat vo de Palestinenser[Anm. 1] usgrüeft. D Gründer häi s Westjordanland und dr Gasasträife, wo vo Israel sit 1967 bsetzt si, in Aaspruch gnoo mit Ostjerusalem as d Hauptstadt vom Staat. Zur Zit vo dr Unabhängikäitserkläärig het sich d PLO im tunesische Exiil befunde und kä Kontrolle über die beaaspruchte Gebiet gha. Doorum het dä Schritt zerst nume sümboolischi Bedütig gha. Bis 1990 häi äinewääg fast 100 Staate e Staat Palestina anerkennt, u. a. die Dütschi Demokratischi Republik (DDR). Hüt anerkenne en 138 Staate. D Bundesrepublik Dütschland anerkennt Palestina nit as Staat, het aber diplomatischi Beziejige zu de Verdräter vo de Palestinensische Autonomiigebiet.
Dr internazionaal Status
[ändere | Quälltäxt bearbeite]D PLO het sit 1974 as e „Representant vom palestinänsische Volk“ e völkerrächtlig anerkennte „Beobachterstatus“ bi de Veräinte Nazioone,[6] sit 1998 het si bi Debatte vo dr Generaalversammlig chönne mitmache, wenn au ooni Stimmrächt. Sit em 31. Oktober 2011 isch Palestina Mitgliid vo dr UNESCO.[7] Am 29. Novämber 2012 het d Verdrätig vo dr PLO dr Beobachterstatus (non member observer state’ status) as Staat Palestina für die Palestinensische Gebiet[8] bi de Veräinte Nazioone. 138 vo de 193 UNO-Mitgliider häi für son e Anerkennig gstimmt, nüün drgeege und 41 häi sich enthalte, drunder Dütschland.[9]
Dr Übergang vom Autonomiigebiet zum Staat
[ändere | Quälltäxt bearbeite]D PLO under em Mahmud Abbas, wo die bäide Rolle vom e Staatsbresidänt vom Bresidänt vo dr Palestinänsische Autonomiibehörde het,[10] schafft für d Anerkennig vom ene Staat Palestina as Vollmitgliid bi de Veräinte Nazioone und für die volli Suweränidäät über die beaaspruchte Gebiet. Wie dr Übergang vo dr Autonomiibehörde, wo vo dr PLO kontrolliert wird, zun ere staatlige Oobrikäit verwaltigs- und regierigstechnisch söll vor sich goo, doodrüüber wird immer no diskutiert.[11][12] Sit em palestinänsische Bürgerchrieg 2007 zwüsche Fath und Hamas si die Palestinänsische Gebiet[8] faktisch in dr Herschaftsberiich vo dr radikaal-islaamische Hamas im Gasasträife und d Autonomiigebiet im Westjordanland, wo vo dr Fatah kontrolliert wärde, däilt.
Die palestinänsische Flüchtling vo 1948 und 1967
[ändere | Quälltäxt bearbeite]Mit em Staat Palestina äng verbunde isch s Schiggsaal vo de palestinänsische Araaber, wo vor Joorzäänte gflüchtet si. Die lääbe zum Däil bis hüte in araabische Flüchtlingslaager as Staateloosi und si usgschlosse vo Äigedumsrächt, wirtschaftlige Mööglikäite, Bildigsaagebot und medizinischer Versorgig. Dr äinzig araabischi Staat, wo bis hüt de palestinänsische Flüchtling die volli Staatsbürgerschaft aabote ghet, isch Jordanie. Dr israelisch Staat hingeege het d Araber, wo im Land bliibe si, as Bürger mit alle juristische und politische Rächt akzeptiert.[13]
Weblingg
[ändere | Quälltäxt bearbeite]- Palästinensische Mission Die Diplomatische Vertretung Palästinas in Deutschland
- Vertretung des Staates Palästina in Österreich – Wien
- Palästinensische Vertretung in Bern, Schweiz
- Palästinensische Regierung (araabisch)
- Palästinensisches Außenministerium (araabisch)
- Palästinensisches Informationsministerium (änglisch)
- Ständige Beobachtermission Palästinas bei den Vereinten Nationen (änglisch)
Bemerkige
[ändere | Quälltäxt bearbeite]- ↑ Artikel 5 vo dr Palestinensische Nazionaalcharta vom 17. Juli 1968 definiert as Palestinänser „die araabische Staatsaaghörige, wo bis zum Joor 1947 reguläär in Palestina aasäässig gsi si, ooni Rücksicht druf, öb si vo dört verdriibe worde si oder dört bliibe si. Jedes Chind vom ene palestinänsische Vater, wo noch däm Zitpunkt uf d Wält cho isch – (sig s) z Palestina oder usserhalb – isch ebefalls e Palestinänser.“
Fuessnoote
[ändere | Quälltäxt bearbeite]- ↑ PLO asks Mahmud Abbas to be acting president of „State of Palestine“, Al Jazeera vom 8. Mai 2005.
- ↑ Palestinian Central Bureau of Statistics (PCBS), Geography and Climate Conditions
- ↑ Palestinian Central Bureau of Statistics (PCBS), Population
- ↑ Ilona-Margarita Stettner: Legal Fact Sheet: Palästinensische Staatlichkeit nach Völkerrecht. (Nicht mehr online verfügbar.) In: Konrad-Adenauer-Stiftung. Archiviert vom Original am 8. Dezember 2017; abgruefen am 7. Dezember 2017 (PDF).
- ↑ John Balouziyeh: Palestinian Statehood under International Law. 1. Mai 2015, abgruefen am 7. Dezember 2017.
- ↑ Bernhard Chiari, Dieter H. Kollmer, Martin Rink (Hrsg.): Naher Osten. 2. Uflaag, Schöningh, Paderborn [u. a.] 2009, ISBN 978-3-506-76759-2, S. 121.
- ↑ General Conference admits Palestine as UNESCO Member State. UNESCO, 31. Oktober 2011, abgruefen am 31. Oktober 2011 (änglisch).
- ↑ 8,0 8,1 Israel und Palästinensische Gebiete (Memento vom 8. Dezämber 2015 im Internet Archive)
- ↑ Uno erkennt Palästina als Staat an. In: Spiegel Online. 29. November 2012, abgruefen am 1. Dezember 2012.
- ↑ PLO unanimously elects Abbas president of future Palestinian state, Haaretz vom 23. November 2008
- ↑ After upgrading status, UN officially switches from ‚Palestine‘ to ‚State of Palestine‘, Times of Israel vom 25. Dezämber 2012
- ↑ PLO’s Central Council to Discuss Changes, says Official (Memento vom 15. Jänner 2013 im Internet Archive), WAFA vom 5. Januar 2013.
- ↑ Albert Hourani: Die Geschichte der arabischen Völker. (2001), S. 437–440.
Koordinate: 31° 35′ N, 35° 8′ O