Kass
Kass (Felis catus) om kodoelläi. Tä või ollaq väega karvanõ, a tä või ollaq ka ilma karvulda.
Kassi tiinüs kest keskmädselt 62 päivä.
Võromaal võidas kassi kotsilõ üteldäq viil tiide, tiids'u, tsiids'o vai tsiidsi.
Kassõ nimeq
[toimõndaq | toimõndaq lätteteksti]Vanast panti Võromaal kassõlõ sääntsit nimmi: Ants, Ints, Miisu, Kati, Kiti. Vahtsõmbist kassi- ja pininimist või lukõq Võro-Seto tähtraamatust 2008. aastaga pääle.
Kassiq ilokirändüsen
[toimõndaq | toimõndaq lätteteksti]Üts kuulsampi kassist kirotõt jutuisi om prantsusõ kiränigu Perrault' Charlesi kirotõt jutus "Saapidõga tiide".
Mõistatuisi kassi kotsilõ
[toimõndaq | toimõndaq lätteteksti]- Nupp iih, nuul takah, hiirekeldri keskpaigah? (Kass. Põlva kihlkund, 1966.)
- Nutt iin, nui takah, hiirekeller keskeh? (Kass. Rõugõ kihlkund, 1889.)
- Nudi iin, saivas takan, hiirekeller keskpaigan? (Kass. Urvastõ kihlkund, 1890.)
- Tomp iin, toru takan, hiirekarp keskel? (Kass. Kanepi kihlkund, 1896.)
- Kerä iih, ora takah, hiirekeldre keskpaigah? (Kass. Räpinä kihlkund, 1875.)
- Üteh otsah ora, tõõsõh kerä, keskpaigah hiirekeldri? (Kass. Setomaa, 1929.)[1]
Lätteq
[toimõndaq | toimõndaq lätteteksti]- ↑ Krikmanni Arvo, "Tere teele, tere meele, tere egalõ talolõ". Eesti Kirändüsmuusõum, Tarto 2000, lk. 101.