Nefrópidos

Nefrópidos Nephropidae Rango fósil: paleoceno - actualidade
Lumbrigante (Homarus gammarus)
Clasificación científica
Reino: Animalia Filo: Arthropoda Subfilo: Crustacea Clase: Malacostraca Orde: Decapoda Infraorde: Astacidea Superfamilia: Nephropoidea Familia: Nephropidae Dana, 1852
Subfamilias
Neophoberinae Glaessner, 1969 Nephropinae Dana, 1852 Thymopinae Holthuis, 1974
Sinonimia
Homaridae Huxley, 1879

A dos nefrópidos (Nephropidae) é unha familia de crustáceos malacostráceos da orde dos decápodos, e infraorde dos astacideos, mariños, moitas de cuxas especies son moi apreciadas en gastronomía. Habitan en fondos oceánicos de boa parte do mundo.

Dentro desta familia están a cigala (Nephrops norvegicus), o lumbrigante (Homarus gammarus) e o lumbrigante americano (Homarus americanus).

Cómpre non confundilos coas lagostas, que pertencena á familia dos palinúridos.

Hábitat

Os nefrópidos viven en fondos rochosos, areosos ou lamacentos desde a liña costeira aé máis alá da plataforma continental. Xeralmente viven de forma solitaria en fendeduras ou tobos debaixo das rochas ou escavadas na area.

As condicións ambientais do hábitat onde viven poden variar dun océano a outro, pero a temperatura ambiente non presenta grandes flutuacións dado que habitan nunha inmensa masa de auga, que é o océano.

Características

Son crustáceos de corpo de forma tubular, cuxa casca ten un rostro ben desenvolvido.

Os tres primeiros pares de patas terminan en pinzas (quelas). As pinzas do primeiro par son moito máis grandes que as dos outros.

As antenas son cilíndricas e moito máis longas que o corpo.

No rostro destacan dous ollos protuberantes protexidos por senllas proxeccións espiñentas.

Teñen que pasar uns 5 anos desde o seu estado larvario até que alcanzan o tamaño legal para o seu consumo.

Son depredadores e preeiros que se alimentan de moluscos e materia en descomposición doutros animais. Porén, tamén poden comer peixes, e escavar para encontrar ameixas e outros bivalvos, e así mesmo poden alimentarse de algas e os pequenos peixes que viven nelas.

Clasificación

A familia foi descrita en 1852 polo naturalista estadounidense James Dwight Dana.

Segundo o ITIS, na actualidade recoñécense na familia as seguintes subfamilias cos seguintes xéneros actalmente viventes:

Familia Nephropidae Dana, 1852

• Subfamilia Neophoberinae Glaessner, 1969
  • Acanthacaris Bate, 1888
• Subfamilia Nephropinae Dana, 1852
  • Eunephrops Smith, 1885
  • Homarinus Kornfield, Williams & Steneck, 1995
  • Homarus Weber, 1795
  • Metanephrops Jenkins, 1972
  • Nephrops Leach, 1814
  • Thymopides Burukovsky & Averin, 1977
• Subfamilia Thymopinae Holthuis, 1974
  • Nephropides Manning, 1969
  • Nephropsis Wood-Mason, 1873
  • Thymops Holthuis, 1974
  • Thymopsis Holthuis, 1974

Galería

• 
  Acanthocaris tenuimana
• 
  Homarinus capensis
• 
  Homarus americanus
• 
  Metanephrops japonicus
• 
  Nephrops norvegicus
• 
  Nephropsis rosea

Véxase tamén

Bibliografía

• Corson, Trevor (2005). The Secret Life of Lobsters: How Fishermen and Scientists Are Unraveling the Mysteries of Our Favorite Crustacean (1st Harper Perennial ed.). New York: HarperCollins. ISBN 978-0-06-055559-7. 
• Phillips, Bruce F., ed. (2006). Lobsters: Biology, Management, Aquaculture and Fisheries. Wiley. ISBN 978-1-4051-2657-1. doi:10.1002/9780470995969. 
• Townsend, Elisabeth (2012). Lobster: A Global History. London: Reaktion Books. ISBN 978-1-86189-794-7. 

Outros artigos

• Lumbrigante
• Cigala

Ligazóns externas

• Nephropidae Dana 1852 Arquivado 03 de marzo de 2016 en Wayback Machine. en Fossilworks.
• Nephropidae Dana, 1852 no WoRMS.
• Nephropidae Dana, 1852 no ITIS.
• Nephropidae na ADW.
• Nephropidae Arquivado 25 de novembro de 2016 en Wayback Machine. na EOL.

---

Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---