Caama kʊnʊŋ
Caama kʊnʊŋ payaɣna Caama taa se Deutsch [ˈdɔʏtʃ ] kɛ Ɛndɩ-Erɔpʊ kʊnʊŋ. Kɩ-tɛ nɛ Cermaniki hɔʊ piliŋa ŋga kalɩna wɩsɩ ɖɩɖʊyɛ taa kɩŋ yɔ. Pɩlɩna kɩtɛ kʊnʊmɩŋ sakɩyɛ tɛ yɔɔdasɩ ndɩ ndɩ yɔ lɛ pʊwɛ ɛzɩ kɩwalɩ ɛjaɖɛ yɔ yɔ.
Kʊnʊŋ ŋgʊ kɩ-tɛ caanaʊ tɔm, kɩ-wɛ ndɩ Caama wɩsɩ ɖɩɖʊyɛ taa kɩŋ kʊnʊmɩŋ mbʊ lɛ pɩpazɩna doo hayʊ wɛɛ cɩkpetʊ taa, matʊ lɛɣzɩtʊ naalɛ ndʊ.
Ɖeɖe nɛ sɔnɔ taa lɛ, mba panɩɩ-kʊ yɔ paya-wɛ se germanophone waa, pɛdɛ ɖama tɛyɩʊʊ taa lɛ padalɩ miiliyɔɔ waa mɩnɩʊ,mbʊ yebina nɛ Eerɔpʋ ɛjaɖɛ taa lɛ Caama kʊnʊŋ ŋgʊ pakɩlɩ yɔɔdʊʊ Ɛrɔpa ajɛyɛɛ nɔɔ kʊɖʊmaɣ kɩgbɛndʊʊ taa.
Kedeŋga sɩm tɛyʊʊ taa, Eerɔpʋ taa lɛ Caama kʊnʊŋ kɛnɛ kʊnʊŋ sɔsɔʊ kɛ Caama Ɛjaɖɛ taa nɛ Otirisi taa nɛ Lɩɛstɛnstɛɛnɩ taa nɛ Suwiisi taa nɛ Lugizamburi taa, nɛ Pɛlɩzɩkɩ taa nɛ Itaalii hɔɔlʊʊ ŋgʊ payaa se Tɩɩrɔl nɛ hadɛ kɩŋ yɔɔ.
Kʊnʊŋ ŋgʊ pɔyɔɔdʊʊ-kʊ ajɛyɛ naayɛ taa ɖɔɖɔ ana yɔ Fransɩɩ nɛ Taanemarki nɛ Cɛɛkɩɩ nɛ Sɩɩlɔvakii nɛ Pɔlɔñɩɩ nɛ Rumaanii, ɛlɛ komina tahaɣ waɖɛ se kʊnʊŋ ŋgʊ kɩ-kɛ sɔsɔʊ kɛ ajɛyɛ ana a-daa.
Afrika kedeŋa taa lɛ ajɛyɛ naalɛ taa pɔyɔɔdʊʊ Caama kʊnʊŋ, Namibii nɛ Tanzaani. Amerika taa lɛ Amerika nɛ hayʊ kɩŋ ɛlɛ nabʊyʊ taa hɛkʊ nɛ pɩdɛ Caama mba mba pɛwɛna canaʊ lakasi ɛzi kʊnʊŋ ŋgʊ paya se Pennsylvanien, ɛlɛ Amish cejewiye lakina-ɖɩ nɛ tʊmɩyɛ. Amerika nɛ hadɛ kɩŋ lɛ Paraguwee nɛ Chili nɛ Arzantiini nɛ Brezilii nɛ Venezuela pɔyɔɔdʊʊ ɖɔɖɔ Caama tɔm. Caama tɛkɛ kʊnʊŋ sɔsɔʊ ŋgʊ pɔyɔɔdʊʊ ajɛyɛ kɩgbɛndʊʊ nɔɔ kʊɖʊmaɣ taa yɔ.