Buriatia
Buriatia
Civitas: Russia
Locus: 53°48′0″N 109°20′0″E
Situs interretialis
Fines
Territoria finitima: Khövsgöl, Bulgan Province, Selenge Province, Tuva, Regio Ircutensis, Territorium Transbaicalicum
Forma
Gestio
Consilium: People's Khural of the Republic of Buryatia
Vita
Sermo publicus: Russica, lingua Buriatica
Zona horaria: Tempus Ircutianum, UTC+8, Asia/Irkutsk
Commemoratio
Sigla
Tabula aut despectus
Buriatia,[1] vel pleniter Res Publica Buriatia (Russice Республика Бурятия, tr. Respublika Burjatija; Buriatice Буряад Улас, tr. Burjaad Ulas) est subiectum Foederationis Russicae, anno 1923 constitutum. Ex anno 2000 ad Districtum Foederalem Sibericum pertinebat et anno 2018 in Districum Foederalem Extremorientalem inclusum est.
Buriatia cum re publica Tuva, regione Ircutensi et territorio Transbaicalico Russiae atque cum Mongolia contermina est. Aream 351 334 chm² et circa 982 milia incolarum anno 2016 habuit. Plus quam undeviginti gentes eam incolunt, quarum plurimae sunt Russi (64,9%) et Buriati (29,5%).
Urbes
[recensere | fontem recensere]Urbs Buriatiae capitalis Udinium est. Aliae urbes Kiachta, Bargusinus, Selengia sunt.
Montes
[recensere | fontem recensere]Saiani montes, quorum iugum Alpes Tunkinenses sunt, rei publicae partem occupant. Iugum Baicalense et planities montana Baicalensis Borealis a regione Ircutensi rem publicam separant.
Hydrographia
[recensere | fontem recensere]Lacus Baicalis ripa orientalis et pars borealis ripae occidentalis in Buriatia sitae sunt. Flumina rei publicae maxima sunt:
- — Selenga cum Uda et Dsida et Chiloco accolis, Angara Superior, Bargusinus (haec tria in Baicalem influunt),
- — Ircutus et Occa Angarae confluvii,
- — Witimus Lenae accola hic oritur.
Notae
[recensere | fontem recensere]- ↑ Norae Zabinkovae et Moysis Kirpicznikov Nomina physico-geographica principalia URSS s.v. Бурятия. Cf. "Species rarae lichenum Buriatiae" [1].
Nexus externi
[recensere | fontem recensere]
|
Vicimedia Communia plura habent quae ad Buriatiam spectant. |
|
|
Situs geographici et historici: Locus: 53°48′0″N 109°20′0″E • OpenStreetMap • GeoNames • Thesaurus Getty • Store norske Lexikon • Большая российская энциклопедия |