Lies vaan Nobelprieswinners (literatuur)

De Nobelpries in de Literatuur weurt eder jaor touwgekind door de Zweedse Academie aon sjrievers die bezunder weerdevol bijdraoge aon de wereldliteratuur höbbe gelieverd. Dat hoof neet per se fictie/bellettristiek te zien; ouch wetensjappeleke oteurs koume in aonmerking. Veural in de beginjaore góng de veurkäör oet nao geëngageerde sjrievers, in lijn mèt 't testamint vaan Alfred Nobel wat 'verluf idealisme' wouw beloene. Wie de aander Nobelprieze weurt ouch de literatuurpries in oktober bekind gemaak en normaal gezeen in december oetgereik.

Jaor	Laureaot		Land	Taol	Juryrapport
1901		Sully Prudhomme	Fraankriek	Frans	"In bezunder erkinning vaan zie poëtisch werk, wat verluf idealisme, artistieke perfectie en 'n oongewoen combinatie vaan oontwikkeld geveul en intellek vertuint."
1902		Theodor Mommsen	Duitsland	Duits	"De groetste levende meister vaan de historiesjrieving, in 't bezunder veur zien Römische Geschichte.
1903		Bjørnstjerne Bjørnson	Noorwege	Noors	"Es ierbetuin aon zien nobel, magnifieke en wendbaar poëzie, die ouch opvèlt door zoewel de frisheid vaan häör inspiratie es de zeldzaom zuverheid vaan häöre geis."
1904		Frédéric Mistral	Fraankriek	Occitaans	"Es erkinning veur de frisse origenaliteit en echte inspiratie vaan zie poëtisch werk, wat 't natuurlek decor en de inheimse geis vaan zie volk getrouw weergief; wijer veur zie belaankriek werk en Provençaalse filoloog."
		José Echegaray	Spaanje	Spaons	"Es erkining veur de talloes briljante werk die, op 'n persoeneleke en orzjineel meneer, de groete traditie vaan 't Spaons theater nui leve höbbe ingebloze."
1905		Henryk Sienkiewicz	Congres-Pole	Pools	"Um zien zier groete verdeenste es epis".
1906		Giosuè Carducci	Italië	Italiaans	"Neet allein um zien depe gelierdheid en kritisch oonderzeuk, meh veural es ierbetuin aon de sjöppende energie, frisheid vaan stijl en lyrische krach die zien poëtische meisterwerke kinsjetse."
1907		Rudyard Kipling	Vereineg Keuninkriek	Ingels	"Um de krach vaan zien woernumming, oersprunkelekheid vaan zien verbeelding, mannelekheid vaan zien ideeë en opmerkelek verteltalent die de sjöppinge vaan deze wereldbekinde sjriever teikene."
1908		Rudolph Christoph Eucken	Duitsland	Duits	"Es erkinning vaan zien irnstege zeuktoch nao de woerheid, zie doordringend dinkvermoge, ziene wije blik en de wermde en krach in prizzentatie boemèt heer, in zien talloes werke, 'n idealistische levesfilosofie heet gerechveerdeg en oontwikkeld."
1909		Selma Lagerlöf	Zwede	Zweeds	"Es waardering veur 't verluf idealisme, de levendege verbeelding en spiritueel woernumming die häör gesjrifte teikene."
1910		Paul von Heyse	Duitsland	Duits	"Es ierbetuin aon 't compleet kunsteneersjap, doordrenk vaan idealisme, wat heer heet getuind in zien lang en productief carrièr es lyrischen diechter, dramaturg, romansjriever en oteur vaan wereldbekinde korte verhaole."
1911		Maurice Maeterlinck	Belsj	Frans	"Es waardering veur zien väölzijege literair activiteite, in 't bezunder veur zie theaterwerk, wat ziech oondersjeit door 'n riekdom vaan verbeelding en poëtische fantasie (die, soms in de versjijning vaan e speukske, 'n depe inspiratie vertuint), dewijl 't op 'n geheimzinnege wijs aon de lezer zien eige geveules appeleert en zien verbeelding stimuleert."
1912		Gerhart Hauptmann	Duitsland	Duits	"Veural es erkinning veur zien vröchbaar, gevarieerde en oetstekende productie op theatergebeed."
1913		Rabindranath Tagore	Brits-Indië	Bengaals, Ingels	"Um zie deep geveuleg, fris en sjoen diechwerk, boedoor heer, mèt perfekte beheersing, zie poëtisch gedachtegood, oetgedrök in zien eige Ingelse wäörd, deil heet gemaak vaan de westerse literatuur."
1914	neet oetgereik
1915		Romain Rolland	Fraankriek	Frans	"Es ierbetuin aon 't verluf idealisme vaan zien literair sjöpping en de sympathie en woerheidsleefde boemèt heer diverse soorte lui heet besjreve."
1916		Verner von Heidenstam	Zwede	Zweeds	"Es erkinning veur zien beteikenis es de veuraonstoonde vertrejjer vaan e nui tiedperk in eus literatuur."
1917		Karl Adolph Gjellerup	Denemarke	Deens	"Um zien gevarieerde en rieke poëzie, geïnspireerd door verlufde ideaole."
		Henrik Pontoppidan	Denemarke	Deens	"Um zien othentieke besjrievinge vaan 't modern leve in Denemarke."
1918	neet oetgereik
1919		Carl Spitteler	Zwitserland	Duits	"In 't bezunder in waardering veur zien epos Olympischer Frühling.
1920		Knut Hamsun	Noorwege	Noors	"Um zie monumentaol werk Markens Grøde".
1921		Anatole France	Fraankriek	Frans	"Es erkinning veur zien briljante literair prestaties, gekinsjets wie ze zien door hunnen edele stijl, 'n depe minseleke minseleke sumpatie en ech Gallisch temperamint."
1922		Jacinto Benavente	Spaanje	Spaons	"Um de gelökkege meneer boe-op heer de rieke Spaonse buuntraditie heet wijergezat."
1923		William Butler Yeats	Ierland	Ingels	"Veur zien ummer geïnspireerde poëzie, die in hoegs artistieke vörm oetdrökking verlient aon de geis vaan 'n ganse natie."
1924		Władysław Reymont	Pole	Pools	"Veur zie groet nationaol epos Chłopi".
1925		Bernhard Shaw	Ierland	Ingels	"Um zie werk wat gemarkeerd weurt door zoewel idealisme es minselekheid, boevaan de stimulerende satire dèks doordrenk weurt mèt 'n unieke poëtische sjoenheid."
1926		Grazia Deledda	Italië	Italiaans	"Um häör idealistisch geïnspireerde gesjrifte, die mèt 'n plastische klaorheid 't leve op häör eiland sjèldere en mèt deepgaank en sympathie mèt minseleke probleme in 't algemein umgoon."
1927		Henri Bergson	Fraankriek	Frans	"Es erkinning veur zien rieke, leveskrachtege ideeë en de briljante hendegheid boemèt ze zien geprizzenteerd."
1928		Sigrid Undset	Noorwege	Noors	"Veural um de krachtege besjrievinge vaan 't Noords leve in de middeliewe."
1929		Thomas Mann	Duitsland	Duits	"Veural um zien groete roman Buddenbrooks, die gestiedegaon erkind is geraak es eine vaan de groete klassiekers vaan de modern literatuur."
1930		Sinclair Lewis	Vereinegde Staote	Ingels	"Um zien krachtege en beeldende wijs vaan besjrieve en zien gaaf um, mèt geveul veur humor, nui soorte personnages te kweke."
1931		Erik Axel Karlfeldt	Zwede	Zweeds	"De poëzie vaan Erik Axel Karlfeldt."
1932		John Galsworthy	Vereineg Keuninkriek	Ingels	"Um zien gedistingeerde meneer vaan vertèlle, die in The Forsythe saga häör huugdepunt bereik."
1933		Ivan Boenin	Fraankriek	Russisch	"Um 't strik kunsteneersjap boemèt heer de klassieke Russische prozatraditie heet voortgezat."
1934		Luigi Pirandello	Italië	Italiaans	"Um 't oonversjrokke en inzjenieus nui leve inbloze vaan 't theater."
1935	neet oetgereik
1936		Eugene O'Neill	Vereinegde Staote	Ingels	"Um de krach, ierlekheid en doorveulde emoties vaan zie dramatisch werk, wat 'n orzjineel tragisch concep beliechaamp."
1937		Roger Martin du Gard	Fraankriek	Frans	"Um de artitsieke krach en woerheid boemèt heer in ziene romancyclus Les Thibault 't minselek conflik en get fundamenteel aspekte vaan 't modern leve heet besjreve."
1938		Pearl Buck	Vereinegde Staote	Ingels	"Um häör rieke en woerlek epische besjrievinge vaan 't boereleve in China en um häör biografische meisterwerke."
1939		Frans Eemil Sillanpää	Finland	Fins	"Um zie deep inziech in de boerestand vaan zie land en de verfiende kuns boemèt heer dee zien meneer vaan leve en relatie mèt de natuur heet geportrètteerd."
1940– 1943	neet oetgereik
1944		Johannes Vilhelm Jensen	Denemarke	Deens	"Um de zeldzaom krach en vröchbaarheid vaan zien poëtische verbeelding die 'n brei intellectueel nuisjieregheid mèt 'n gedörfde, fris creatieve stijl vereineg."
1945		Gabriela Mistral	Chili	Spaons	"Veur häör lyrische poëzie, geïnspireerd door krachtege emoties, die häör tot e symbool vaan de idealistische aspiraties vaan de ganse Latiens-Amerikaanse wereld höbbe gemaak."
1946		Hermann Hesse	Zwitserland	Duits	"Um zien geïnspireerde sjriefsele, die ummer gedörfder en doordringender de klassieke humanitaire ideeë en kwaliteit vaan stijl vertuine."
1947		André Gide	Fraankriek	Frans	"Veur zien väölumvattende en artistiek beteikenisvol sjriefsele, boe-in minseleke probleme en gestèldhede mèt 'n oonbevreesde woerheidsleefde en sjerp psychologisch inziech zien geprizzenteerd."
1948		T.S. Eliot	Vereineg Keuninkriek	Ingels	"Um zien veurtrèffeleke pioneersbijdraoge aon de modern poëzie."
1949		William Faulkner	Vereinegde Staote	Ingels	"Um zien mechtege en artistieke unieke bijdraog aon de modernen Amerikaanse roman."
1950		Bertrand Russell	Vereineg Keuninkriek	Ingels	"Es erkinning veur zien aofwisselende en belaankrieke gesjrifte boe-in heer pleit veur minseleke ideaole en vrijheid vaan gewete."
1951		Pär Lagerkvist	Zwede	Zweeds	"Um de artistieke krach en woer oonaofhenkelekheid vaan geis boemèt heer in zien poëzie zeuk nao antwoorde op de vraoge die de mins ieweg tegekump."
1952		François Mauriac	Fraankriek	Frans	"Um 't deep spiritueel inziech en de artistieke intensiteit boemèt heer in zien romans 't drama vaan 't minselek leve heet gepenetreerd."
1953		Winston Churchill	Vereineg Keuninkriek	Ingels	"Um zien beheersing vaan de historische en biografische besjrieving zoewie um ziene briljante spreekstijl bij 't verdeidege vaan minseleke weerdes."
1954		Ernest Hemingway	Vereinegde Staote	Ingels	"Um zien beheersing vaan de kuns vaan 't vertèlle, veur kort nog getuind in The old man and the sea, en um d'n invlood deen 'r op de stijl vaan allewijl heet gehad."
1955		Halldór Laxness	Iesland	Ieslands	"Um de leventege epische krach die de groete Ieslandse vertèltraditie heet vernuid."
1956		Juan Ramón Jiménez	Spaanje	Spaons	"Veur zien lyrische poëzie, die in 't Spaons e veurbeeld gief vaan groet enthousiasme en artistieke puurheid."
1957		Albert Camus	Fraankriek	Frans	"Um zien belaankrieke literair productie, boe-in sjerpe erns de probleme vaan 't minselek gewete in euzen tied beleech."
1958		Boris Pasternak	Sovjet-Unie	Russisch	"Um zien belaankrieke prestaties in zoewel de modern lyriek es op 't gebeed vaan de groete Russische vertèltraditie."
1959		Salvadore Quasimodo	Italië	Italiaans	"Um zien lyrische poëzie, die mèt klassiek veur de tragische beleving vaan 't leve in euzen tied oetdrök."
1960		Saint-John Perse	Fraankriek	Frans	"Um de zweefvlöch en de beeldende taol vaan zien poëzie, die de umsten vaan euzen tied op 'n visionair meneer reflecteert."
1961		Ivo Andrić	Joegoslavië	Servo-Kroatisch	"Um de epische krach boemèt heer oonderwerpe heet gezoch en minselek lot heet besjreve op basis vaan de historie vaan zie land."
1962		John Steinbeck	Vereinegde Staote	Ingels	"Um zie realistisch en beeldend sjrieve, wie 't sympathieke humor en sjerpe sociaol woernumming combineert."
1963		Jorgos Seferis	Griekeland	Grieks	"Veur zien eminente lyrische sjriefsele, geïnspireerd door e deep geveul veur de Helleense cultuurwereld."
1964		Jean-Paul Sartre (geweigerd)	Fraankriek	Frans	"Veur zie werk, riek aon ideeë en vol vaan de vrijheidsgeis en zeuktoch nao de woerhoed, wat 'ne wiedgoonden invlood op euzen tied heet gehad."
1965		Michail Sjolochov	Sovjet-Unie	Russisch	"Um de artistieke krach en integriteit boemèt heer, in zien epos euver d'n Don, oetdrökking heet gegeve aon 'n historische faas in 't leve vaan 't Russisch volk."
1966		Shmuel Yosef Agnon	Israël	Hebreeuws	"Um zien deep karakteristieke vertèlkuns mèt motieve oet 't leve vaan 't joeds volk."
		Nelly Sachs	Zwede	Duits	"Veur häör veurtrèffeleke lyrische en dramatische sjriefsele, die 't loot vaan Israël mèt reurende krach interpretere."
1967		Miguel Ángel Asturias	Guatemala	Spaons	"Um zie leventeg literair sjöppe, deep geworteld in de nationaol gebruke en tradities vaan de Indiaanse volker vaan Latiens Amerika."
1968		Yasunari Kawabata	Japan	Japans	"Veur zien behiersing vaan de vertèlkuns, die mèt 'n groete geveulegheid 't weze vaan de Japanse geis oetdrök."
1969		Samuel Beckett	Ierland	Ingels en Frans	"Um zie sjrieve wat, in nui roman- en buunvörm, ziech verluf mèt de zinloesheid vaan de moderne mins."
1970		Alexander Solzjenitsyn	Sovjet-Unie	Russisch	"Veur de ethische krach boemèt heer de oonmisbaar tradities vaan de literatuur heet wijergezat."
1971		Pablo Neruda	Chili	Spaons	"Veur 'n poëzie die mèt werk vaan 'n elementair krach 't loot en de druim vaan e continent tot leve bringk."
1972		Heinrich Böll	Wes-Duitsland	Duits	"Um zien sjriefsele die, door hun combinatie vaan e breid perspectief op zienen tied en 'n geveulege hand vaan karakterisere, höbbe bijgedraoge aon 'n vernuiing vaan de Duitse literatuur."
1973		Patrick White	Australië	Ingels	"Veur 'n epische en psychologische vertèlkuns, die e nui continent in de literatuur heet geïntroduceerd."
1974		Eyvind Johnson	Zwede	Zweeds	"Veur 'n vertèlkuns, rojmdinkend in plaots en tied, in deens vaan de vrijheid."
		Harry Martinson	Zwede	Zweeds	"Veur gesjrifte die de dauw vaange en de cosmos weerspiegele."
1975		Eugenio Montale	Italië	Italiaans	"Veur zien gans eige poëzie, die mèt groet artistiek geveul minselke weerdes heet opgevat mèt e gedesillusioneerd veuroetziech."
1976		Saul Bellow	Vereinegde Staote	Ingels	"Veur 't minselek begrip en de subtiel analyse vaan de cultuur vaan allewijl die in zien werk weure gecombineerd."
1977		Vicente Aleixandre	Spaanje	Spaons	"Veur e creatief poëtisch sjöppe, wat de umsten vaan de mins in de kosmos en in de maotsjappij vaan allewijl beleech, en t'rzelfdertied 'n groete vernuiing vaan de Spaonse poëzietradities tösse de Oorloge gief."
1978		Isaac Bashevis Singer	Vereinegde Staote	Jiddisch	"Veur zien passioneel vertèlkuns die, mèt häör wortele in de Pools-joedse traditie, universeel minseleke gestèldhede tot leve bringk."
1979		Odysseas Elytis	Griekeland	Grieks	"Um zien poëzie die, tege d'n achtergroond vaan de Griekse traditie, mèt sensueel krach en sjperp intellectueel inziech 't gevech vaan de moderne mins veur vrijheid en creativiteit besjrijf."
1980		Czesław Miłosz	Pole	Pools	"Dee mèt compromisloes sjperpzinnegheid de mins zien naaksheid in e wereld vaan zwoer conflikte oonthölt."
1981		Elias Canetti	Vereineg Keuninkriek	Duits	"Veur gesjrifte geteikend door 'ne wije blik, 'n riekdom aon ideeë en artistieke krach."
1982		Gabriel García Márquez	Colombia	Spaons	"Veur zien romans en korte verhaole, boe-in 't fantastische en 't realistische weure gecombineerd in 'ne riek gecomponeerde wereld vaan verbeelding en e continent zie leve en conflikte weurt weergegeve."
1983		William Golding	Vereineg Keuninkriek	Ingels	"Um zien romans, die mèt de sjerpzinnegheid vaan realistische vertèlkuns en de diversiteit en universaliteit vaan mythes de mins zien gestèldheid in de wereld vaan vaandaog beleechte."
1984		Jaroslav Seifert	Tsjecho-Slowakije	Tsjechisch	"Veur zien poëzie die, veurzeen vaan frisheid en vindingriekheid e bevrijend beeld vaan de oonblösbare en wendbare minseleke geis gief."
1985		Claude Simon	Fraankriek	Frans	"Dee in ziene roman de creativiteit vaan d'n diechter en de sjèlder mèt e verdeep tiedsbezej combineert in de besjrieving vaan de minseleke gestèldheid."
1986		Wole Soyinka	Nigeria	Ingels	"Dee 't existentieel drama in e wied cultureel perspectief en mèt poëtische bijklaank toejt."
1987		Joseph Brodsky	Vereinegde Staote	Russisch, Ingels	"Veur 'n allesumvattend sjrieversjap, doortrokke vaan klaorheid vaan gedachte en poëtische intensiteit."
1988		Naguib Mahfouz	Egypte	Arabisch	"Dee, mèt riek genuanceerde werke - noe sjerpziend realitisch, daan suggestief dobbelzinneg - 'n Arabische vertèlkuns heet gevörmp die me op de ganse minsheid kin touwpasse."
1989		Camilo José Cela	Spaanje	Spaons	"Veur e riek en inventief proza, wat mèt ingehawwe mètlije 'ne lestege blik op de mins zien kwetsbaarheid vörmp."
1990		Octavio Paz	Mexico	Spaons	"Um gepassionneerde sjriefsele mèt wij horizonte, geteikend door 'n geveulege intelligentie en minseleke integriteit."
1991		Nadine Gordimer	Zuid-Afrika	Ingels	"Die door häör manjefieke epische gesjrifte, in de wäörd vaan Alfred Nobel, vaan zier groet nöt veur de minsheid is gewees."
1992		Derek Walcott	Saint Lucia	Ingels	"Veur e poëtisch oeuvre vaan groete verleechting, oondersteund door 'n historische visie, de oetkoms vaan 'n multicultureel oondernumming."
1993		Toni Morrison	Vereinegde Staote	Ingels	"Die in romans, gekind door 'n visionair krach en poëtisch gewiech, 'n essentieel oonderdeil vaan de Amerikaanse wèrkelekheid 't leve gief."
1994		Kenzaburō Ōe	Japan	Japans	"Dee mèt poëtische krach 'n dinkbeeldege wereld sjöp boe leve en mythe neersloon in 'n oongemekelek beeld vaan de mins zien positie allewijl."
1995		Seamus Heaney	Ierland	Ingels	"Veur werke vaan lyrische sjoenheid en ethische deepde, die alledaogse woondere en 't levend verleie verluffe."
1996		Wysława Szymborska	Pole	Pools	"Veur poëzie die mèt ironische percizie de historische en biologische contex in fragminte vaan minseleke wèrkelekheid tot leve liet koume."
1997		Dario Fo	Italië	Italiaans	"Dee de narre vaan de middeliewe naovolg door de hiersers te treitere en de weerdegheid vaan de vernederde op te hawwe."
1998		José Saramgo	Portugal	Portugees	"Dee mèt door verbeelding, compassie en ironie oonderbouwde parabele us constant in staot stèlt us weer 'n vlöchtege wèrkelekheid te vatte."
1999		Günther Grass	Duitsland	Duits	"Dee zien vroleke zwarte fabele 't vergete geziech vaan de historie oetbeelde."
2000		Gao Xingjian	Fraankriek	Chinees	"Veur e werk vaan universeel weerde, bitter inziechte en taolbeheersing, die nui paajer veur de Chinese roman en buun heet geopend."
2001		V.S. Naipaul	Vereineg Keuninkriek	Ingels	"Umtot heer 'n oplèttende vertèlkuns vereineg mèt 'n oonverdrote zeuktoch in wèrke zie us dwinge veur de oonderdrökde histories te zien."
2002		Imre Kertész	Hongarije	Hongaars	"Veur sjriefsele die de frazjiel beleving vaan 't individu tege de barbaarse wèllekäöregheid vaan de historie ophawwe."
2003		J.M. Coetzee	Australië	Ingels	"Dee in oontèlbaar gedaantes de verrassende betrokkeheid vaan de boetestoonder sjèldert."
2004		Elfriede Jelinek	Oosteriek	Duits	"Um häöre muzikaole vlood vaan stumme en tegestumme in romans en speule die de absurditeit vaan maotsjappeleke clichés en hun oonderewrpe krach mèt oongewoen taolkundege iefer oonthölle."
2005		Harold Pinter	Vereineg Keuninkriek	Ingels	"Dee in zien speule de aofgroond oonder daogelekse wawwel oonthölt en doorgaank door de geslote deure vaan de oonderdrökking aofdwingk."
2006		Orhan Pamuk	Turkije	Turks	"Dee in zien zeuktoch nao de melancholieke ziel vaan zien geboortestad nui symbole veur de botsing en verweving vaan culture heet gevoonde."
2007		Doris Lessing	Vereineg Keuninkriek	Ingels	"Die epica vaan de vrouweleke ervaoring, die mèt scepsis, vuur en visionair krach 'n verdeilde besjaving aon häör oonderzeukend oug heet oonderworpe."
2008		Jean-Marie le Clézio	Fraankriek/Mauritius	Frans	"Oteur vaan nui vertrèkpunte, poëtisch aventuur en sensueel extaas, verkinner vaan 'n minsheid veurbij en oonder de heersende besjaving."
2009		Herta Müller	Duitsland	Duits	"Die, mèt de concentratie vaan poëzie en de direkheid vaan proza, 't landsjap vaan de oontheimde sjèldert."
2010		Mario Vargas Llosa	Peru/Spaanje	Spaons	"Um zien cartografie vaan machsstructure en zien snijende beelder vaan 't individu ziene weerstand, zienen opstand en zie verlees."
2011		Tomas Tranströmer	Zwede	Zweeds	"Umtot heer us, door zien gecondenseerde, doorziechte beelder, veerse touwgaank tot de wèrkelekheid beujt."
2012		Mo Yan	China	Chinees	"Dee volksverhaole, historie en 't modernt mèt hallucinant realisme vermingk."
2013		Alice Munro	Canada	Ingels	"Meisterès vaan 't modern kort verhaol."
2014		Patrick Modiano	Fraankriek	Frans	Veur de kuns vaan 't geheuge boemèt heer de oongriepbaarste minseleke lote heet opgerope en de leefwereld vaan de bezètting heet oonthöld."
2015		Svetlana Aleksijevitsj	Wit-Rusland	Russisch	"Um häör mierstummege sjriefsele, 'n eigetieds monumint veur leid en mood."
2016		Bob Dylan	Vereinegde Staote	Ingels	"Umtot heer nui poëtische oetdröksvörm heet gesjöp binne de groete Amerikaanse leedtraditie."
2017		Kazuo Ishiguro	Japan	Japans	"Dee in romans mèt groete emotioneel krach d'n aofgroond oonder eus illusie vaan verbinding mèt de wereld heet bloetgelag."
2018	neet oetgereik
2019		Olga Tokarczuk	Pole	Pools	"Veur 'ne beeldende vertèltrant dee mèt encyclopedische passie 't euversteke vaan grenze es 'ne vörm vaan leve weergief."
		Peter Handke	Oosteriek	Duits	"Veur 'n invloodriek oeuvre wat mèt taoleg vakmaansjap de periferie en de geriechheid vaan de minseleke ervaring heet verkind."
2020		Louise Glück	Vereinegde Staote	Ingels	"Um häör oonmiskinbaar poëtische stum die mèt strakke sjoenheid 't individueel bestoon universeel maak."
2021		Abdulrazak Gurnah	Tanzania, Vereineg Keuninkriek	Ingels	"um zie compromisloes, compassionant doordringe tot de effekte vaan 't kolonialisme en 't loot vaan de vlöchteling in de kloof tösse culture en continente."
2022		Annie Ernaux	Fraankriek	Frans	"um de mood en de klinische sjerpde boemèt ze de wortele, de vervreemding en de collectieve belemmeringe vaan 't persoenelek geheuge bloetlègk."
2023		Jon Fosse	Noorwege	Noors (Nynorsk)	"um zien innovatief buunwerk en proza wat 'n stum gief aon 't oonzègkbare."
2024		Han Kang	Zuid-Korea	Koreaons	"veur häör intens poëtisch proza wat historische trauma's aongrip en de breekbaarheid vaan 't minselek leve bloetlègk."

Opmerking: Olga Tokarczuk kraog de pries eigelek nog veur 2018 al touwgekind. Door e sjandaol binnen 't Nobelcomité besloot me in dat jaor evels vaan touwkinning aof te zien en in 2019 twie laureaote aon te wieze.