Wervik

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Wervik mèt deilgemeintes en aongrenzende (deil)gemeintes (zuug de hoofteks veur 'n verklaoring).

Wervik (Frans: Wervicq; Picardisch: Wervi) is 'n stad in de Belzje provincie Wes-Vlaandere, in 't arrondissemint Ieper, aon de Leie en de grens mèt Fraankriek. De gemeinte is 43,61 km² groet en had op 1 januari 2010 18.134 inwoeners.

Geografie

Deilgemeintes

Wervik heet twie deilgemeintes. Wervik zelf heet ouch nog e dörp binne zien grenze. De hoofgemeinte had op 31 december 2006 11.194 inwoeners.

I. Wervik
- III. Kruiseke
II. Geluwe

Aongrenzende (deil)gemeintes

a. Komen en 't dörpke Ten Brielen (stad Komen-Waasten, Henegouwe)
b. Zandvoorde (gemeinte Zonnebeke)
c. Geluveld (gemeinte Zonnebeke)
d. Beselare (gemeinte Zonnebeke)
e. Dadizele (gemeinte Moorslede)
f. Moorsele (gemeinte Wevelgem)

g. Menen (stad Menen)
h. Halewijn (Halluin, Fraankriek)
i. Busbeke (Bousbecque, Fraankriek)
j. Zuid-Wervik (Wervicq-Sud, Fraankriek)
k. Komen (Comines, Fraankriek)

Historie

Wervik is, oondanks zie vrij dörps aonziech, 'n stad mèt e riek en laank verleie. Archeologie lieverde spore oet d'n Iezertied op. Op (kopieë vaan) aw Romeinse kaarte kump Wervik woersjijnelek trök es Viroviacum en Virovino. De plaots laog aon d'n heerweeg vaan Kassel nao Bavay. In d'n daartienden iew bleujde hei, wie euveral in Vlaandere, de lakehandel. Aon de welvaort kaom 'n ind wie de stad in 1297 door de tróppe vaan Filip vaan Valois woort verweus. In 1382 verweusde de Bretónne de stad obbenuits. In 1400 kraog de stad daobij mèt 'ne brand te make. In 1579 weujde hei de Beeldestörm. Vaanaof de Vrei vaan Nimwege vaan 1678 waor de stad Frans. In d'n Ierste Wereldoorlog laog de stad, vaanoet centraol perspectief, achter 't front (in bezat gebeed); dao waor e lazarèt gevesteg. In 1917 evels lagte Britse kanonne de stad in puin. In 1944 bevrijde de Canadeze de stad. Bij de herindeiling vaan 1977 kaom de opgeheve gemeinte Geluwe bij Wervik.