Wrocław
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Wrocław op 't Pools of Breslau op 't Duuts (Silesisch-Duuts: Brassel, Jiddisch: Bresle; Tsjechisch: Vratislav; Latien: Vratislavia) is 'n stad in Middel-Europa in zuidwestelek Pole, gelege aon de revier d'n Oder. In Wrocław kruusde twie handelsroutes: de Via Regia en de Amber Route. De stad behuurde tot de Hanzeliga. Wrocław is de belaangriekste historiese stad vaan Silezië en waor de hoofstad vaan de Prusische, later Duutse, provincie Neder-Silezië. Sinds 1999 is Wrocław de hoofstad vaan 't Poolse Neder-Silezische Voivodesjap. 't Is ouch 'n bisjopstad.
Wrocław tèlde 674.132 inwoeners in 2023, wat häör de daarde stad in Pole maak (nao Warschau en Krakau). In 1871 waor Breslau de daarde stad in Duutsland, nao Berlien en Hambörg.