Норвежаните (норвешки: nordmenn) се нација и етнос чија матична држава е Норвешка, а нивни мајчин јазик е норвешкиот, јазик кој припаѓа во групата на северногермански јазици. Повеќе од милион Норвежани живеат насекаде во светот, а најмногу во САД, Канада и Шведска. Норвежаните се потомци на северните Германи кои во 2 век се населиле во јужниот дел на скандинавскиот полуостров и ги потиснале Лапонците и уште некои други староседелски племиња кон север. Норвежаните се добри пловачи и рибари, поврзани со морето кое го има најразвиениот брег во Европа.
