Konfigurimi i Screen Time për një familjar në iPhone
Screen Time ju lejon të shihni se si i përdorin pajisjet familjarët tuaj që të mund të strukturoni kohën që kalojnë me to. Screen Time për një familjar mund ta konfiguroni në pajisjen e tyre, nëse e keni konfiguruar Family Sharing, mund ta konfiguroni Screen Time për një familjar përmes Family Sharing në pajisjen tuaj. Shihni Konfigurimi i kontrolleve prindërore me Family Sharing në iPhone dhe artikullin Family Sharing dhe Apple ID për fëmijën tuaj tek Ndihma e Apple.
Caktimi i periudhës së mospërdorimit dhe i kufizimeve për aplikacionet në pajisjen e një familjari
Në pajisjen e familjarit, shkoni te Settings
> Screen Time.Prekni Turn On Screen Time, prekni Continue, pastaj prekni This is My Child’s iPhone.
Për të planifikuar kohë larg pajisjes për familjarin tuaj (kohë larg ekranit), vendosni kohët e nisjes dhe të mbarimit, pastaj prekni Set Downtime.
Për të caktuar kufijtë për kategoritë e aplikacioneve që dëshironi të menaxhoni për familjarin tuaj (për shembull, Games ose Social Networking), zgjidhni kategoritë.
Për të parë të gjitha kategoritë, prekni Show All Categories.
Prekni Set, vendosni kohëzgjatjen, pastaj prekni Set App Limit.
Prekni Continue, pastaj vendosni kodin e kalimit të Screen Time për të menaxhuar cilësimet e Screen Time për familjarin.
Shënim: Mund të aktivizoni po ashtu kohën e çlodhjes sipas kërkesës për një anëtar të familjes, ose drejtpërdrejt në pajisjen e tij, ose përmes Family Sharing në pajisjen tuaj (nëse e keni konfiguruar Family Sharing).
Caktimi i kufizimeve të komunikimit për pajisjen e një familjari
Mund të bllokoni komunikimin në hyrje dhe dalje në pajisjen e familjarit tuaj - duke përfshirë telefonatat, thirrjet FaceTime dhe mesazhet - nga kontakte të caktuara, qoftë gjatë gjithë kohës, qoftë në intervale të caktuara.
Nëse nuk e keni aktivizuar ende Contacts në iCloud, shkoni te pajisja e familjarit, shkoni te Settings
> [emri i fëmijës] > iCloud, pastaj aktivizoni Contacts.Shënim: Komunikimin e familjarit mund ta menaxhoni vetëm nëse përdorin Contacts në iCloud.
Në pajisjen e familjarit, shkoni te Settings
> Screen Time.Nëse nuk e keni ende aktiv Screen Time, prekni Turn On Screen Time, prekni Continue, pastaj prekni This is My Child's iPhone.
Prekni Communications Limits, pastaj kryeni njërën nga sa më poshtë:
Kufizojeni në çdo kohë komunikimin tuaj: Prekni During Screen Time, pastaj zgjidhni Contacts Only, Contacts & Groups with at Least One Contact ose Everyone.
Kufizimi i komunikimit gjatë mospërdorimit: Prekni During Downtime. Opsioni që zgjodhët për During Screen Time është i paracaktuar këtu. Këtë cilësim mund ta ndryshoni në Specific Contacts.
Nëse zgjidhni Specific Contacts, atëherë prekni ose Choose From My Contacts, ose Add New Contact për të zgjedhur personat të cilëve dëshironi t'ua lejoni komunikimin gjatë mospërdorimit.
Menaxhoni kontaktet e fëmijës: Nëse përdorni Family Sharing, mund të shfaqni, modifikoni, shtoni apo fshini kontaktet e fëmijës. Prekni Manage [emri i fëmijës] Contacts.
Nëse fëmija juaj i ka kontaktet tanimë në iCloud, do të marrë një njoftim për pajisjen që i kërkon të miratojë kërkesën për t'i menaxhuar. Nëse nuk keni kontakte, fëmija nuk do të marrë njoftim dhe mund t'i shtoni menjëherë kontaktet.
Kur menaxhoni kontaktet e fëmijës suaj, shfaqet një rresht i ri poshtë Manage [emri i fëmijës] Contacts për të treguar se sa kontakte ka fëmija. Prekni rreshtin për të parë e modifikuar kontaktet.
Lejoni modifikimin e kontakteve: Prekni Allow Contact Editing për ta çaktivizuar këtë opsion dhe për t'i ndaluar fëmijës modifikimin e kontakteve.
Çaktivizimi i modifikimit të kontakteve dhe kufizimi i komunikimit në çdo kohë vetëm për Contacts Only është një mënyrë e mirë për të kontrolluar se me kë mund të komunikojë fëmija dhe se kur mund ta kontaktojnë.
Nëse dikush që është i bllokuar për momentin nga cilësimi Communication Limit përpiqet t'ju thërrasë familjarin (me telefonatë apo FaceTime) apo t'i dërgojë mesazh, komunikimi me të nuk do të kryhet.
Nëse familjari juaj përpiqet t'i telefonojë apo dërgojë mesazh dikujt që e ka aktualisht të bllokuar te cilësimet e Communication Limit, emri apo numri i marrësit do të shfaqet me të kuqe me një ikonë ore rëre dhe komunikimi nuk do të kryhet. Nëse kufizimi vlen vetëm për kohën e mospërdorimit, familjari do të marrë një mesazh Time Limit dhe mund ta rifillojë komunikimin me kontaktin pasi të ketë kaluar koha e mospërdorimit.
Për t'i lejuar familjarit komunikimin me kontakte që janë të bllokuara nga cilësimet e Communication Limit, ndryshojini cilësimet sipas hapave të lartpërmendur.
Aktivizimi i sigurisë së komunikimit për mesazhet në pajisjen e një anëtari të familjes ose jashtë saj.
Kur siguria e komunikimit është e aktivizuar te Screen Time, lakuriqësia në fotografi mund të zbulohet në aplikacionin Messages para se fotografitë të dërgohen ose të merren nga fëmija juaj, si dhe sigurohen burime për ta ndihmuar fëmijën tuaj ta menaxhojë situatën (iOS 15.2 ose versione të mëvonshme; nuk ofrohet në të gjitha shtetet ose rajonet). Kjo veçori nuk i jep Apple qasje te fotografitë. Shikoni artikullin Rreth sigurisë së komunikimit te Messages tek Apple Support.
Në pajisjen e familjarit, shkoni te Settings
> Screen Time.Nëse nuk e keni ende aktiv Screen Time, prekni Turn On Screen Time, prekni Continue, pastaj prekni This is My Child's iPhone.
Prekni Communication Safety dhe më pas aktivizoni Check for Sensitive Photos.
Zgjidhni se cilat aplikacione lejohen gjatë gjithë kohës në pajisjen e familjarit
Mund të caktoni se cilat aplikacione dëshironi të ketë të mundur të përdorë familjari në kohë të caktuara.
Në pajisjen e familjarit, shkoni te Settings > Screen Time.
Nëse nuk e keni ende aktiv Screen Time, prekni Turn On Screen Time, prekni Continue, pastaj prekni This is My Child's iPhone.
Prekni Always Allowed, pastaj prekni
ose 
pranë një aplikacioni për ta shtuar apo hequr aplikacionin nga lista.Shënim: Nëse familjari juaj ka nevojë për aplikacione shëndeti apo asistence, sigurohuni që t'i ketë në listën Allowed Apps. Nëse Messages nuk lejohet gjithnjë, familjari juaj mund të mos ketë mundësi të marrë apo dërgojë mesazhe (duke përfshirë numrat e emergjencës dhe kontaktet) gjatë kohës larg pajisjes apo pas skadimit të kufirit për aplikacionin.
Caktimi i kufizimeve të përmbajtjes dhe të privatësisë në pajisjen e një familjari
Mund të ndihmoni për t'u siguruar që përmbajtja në pajisjen e familjarit të jetë e përshtatshme për moshën, duke kufizuar kategoritë e përshtatshmërisë te Content & Privacy Restrictions.
Në pajisjen e familjarit, shkoni te Settings
> Screen Time.Nëse nuk e keni ende aktiv Screen Time, prekni Turn On Screen Time, prekni Continue, pastaj prekni This is My Child's iPhone.
Prekni Content & Privacy Restrictions, pastaj aktivizoni Content & Privacy Restrictions.
Zgjidhni përmbajtje specifike dhe opsionet e privatësisë.
Shënim: Për të mbrojtur dëgjimin e anëtarit të familjes, lëvizni poshtë, prekni Reduce Loud Sounds dhe më pas zgjidhni Don’t Allow. (Kjo parandalon ndryshimet në volumin maksimal të kufjeve.) Shikoni Ulja e nivelit të tingujve të larta të kufjeve te Settings.
Shënim: Për të kufizuar SharePlay në telefonatat e FaceTime për anëtarin tuaj të familjes (iOS 15.1 ose versione të mëvonshme), shkoni te Settings > Screen Time > Content & Privacy Restrictions > Allowed Apps dhe më pas çaktivizoni SharePlay. Për të lejuar SharePlay, aktivizojeni atë.
Prekni
në krye majtas.
Shtimi ose ndryshimi i cilësimeve të Screen Time për një familjar më vonë
Për të shtuar ose ndryshuar cilësimet e Screen Time për një anëtar të familjes më vonë, ndiqni hapat e përshkruar te Konfigurimi i Screen Time për veten në iPhone.
E rëndësishme: Nëse e keni konfiguruar Screen Time për një anëtar të familjes në pajisjen e tij (jo nëpërmjet Family Sharing) dhe harroni kodin e kalimit për Screen Time, mund të përdorni Apple ID tuaj për ta rivendosur. Gjithsesi, nëse e keni konfiguruar Screen Time për një familjar në pajisjen tuaj nëpërmjet Family Sharing dhe harroni kodin e Screen Time, do të mund ta rivendosni në pajisjen tuaj duke përdorur kodin e pajisjes suaj, Touch ID ose Face ID.