Oktobro de 2009
| oktobro | ||||||
| lu | ma | me | ĵa | ve | sa | di |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
| aranĝo de 2024 tagoj | ||||||
Jen listo de okazaĵoj en oktobro de 2009.
2-a de oktobro
[redakti | redakti fonton]- Rio-de-Ĵanejro (Brazilo) estis elektita kiel ĉefurbo de la Olimpiaj ludoj de 2016.
3-a de oktobro
[redakti | redakti fonton]- Forpasis Marek Edelman, lasta gvidanto de la ribelo en varsovia geto en 1943. Poste li partoprenis en la ribelo de Varsovio kaj estis aktivulo de Solidareco.
- Estis diskonigite, ke dum la antaŭtaga voĉdonado ĉ. 60 % irlandanoj subtenis la aliĝon de sia lando al la Traktato de Lisbono.
4-a de oktobro
[redakti | redakti fonton]- La socialista partio PASOK venkas en la ĝeneralaj balotoj de Grekio
- Forpasas la argentina kantisto Mercedes Sosa
8-a de oktobro
[redakti | redakti fonton]- La Nobel-premion pri literaturo ricevis rumana germanlingva verkistino Herta Müller.
- La rusia registaro deklaris pri intenco enkonduki la plenan malpermeson pri ampoloj ekde la 1-a de januaro 2014 por ŝpari energion.
9-a de oktobro
[redakti | redakti fonton]- Nobel-premio pri paco 2009 estis atribuita al Barack Obama. La Nobel-komitato en Oslo informis, ke Obama estas premiata pro liaj „eksterordinaraj klopodoj plifortigi la internacian diplomation kaj la kunlaboradon inter la popoloj“. La premion li ricevas „ankaŭ kaj ĝuste pro lia engaĝiĝo por mondo sen atomarmiloj“.
- Ses anoj de la azeria naciista grupo „Nigraj akcipitroj“ estis kondamnitaj al 4 ĝis 7 jaroj de malliberigo. En majo de 2008 ili atakis en la Moskva metroo du rusajn moskvanojn kaj grave vundis ilin per tranĉiloj. Unu el la akuzitoj — Rasul Ĥalilov — estis mortpafita fare de nekonataj la 3-an de septembro 2009.
12-a de oktobro
[redakti | redakti fonton]- Semajnlonga Lingva Festivalo en Ĉeboksaro. Festivalo okazis jam la 14-an jaron sinsekve.
19-a de oktobro
[redakti | redakti fonton]- La Eŭropa suda observatorio (ESO) anoncis en Madrido la malkovron de 32 novaj ekstersunaj planedoj el la observatorio La Silla, en Ĉilio.
21-a de oktobro
[redakti | redakti fonton]- La afgana prezidento Hamid Karzai akceptas duan balotadon kontraŭ eksa ĉefministro Abdullah Abdullah je la 7-a de novembro, post fortaj internaciaj protestoj pro suspektoj pri fraŭdo en la unua parto de la baloto. Vd ĉe Eventeo[rompita ligilo]
28-a de oktobro
[redakti | redakti fonton]- Angela Merkel estis reelektita kiel kanceliero de Germanio.
- Grupo da talibanoj invadis la reprezentejon de la Unuiĝintaj Nacioj en Kabulo (Afganio). Rezulte de tiu kaj sekva sturmo estis mortigitaj 6 kaj vunditaj 5 eksterlandanoj. Ankaŭ pereis afgana policano kaj afgana sekretservisto. Ĉiuj teroristoj estis pafmortigitaj.
- En Rusio oficiale estis konfirmitaj unuaj kvar mortoj pro porka gripo.
29-a de oktobro
[redakti | redakti fonton]- Somaliaj piratoj ostaĝigis en la Hinda oceano la tinuskaptan ŝipon «Thai Union». Ĉiuj 23 ŝipanoj estas rusianoj el Kaliningrado.