Oasis

Oasis
	Oasis zuzenean
Datuak
Jatorria	Manchester (Erresuma Batua)
Musika mota	Rock
Urteak	1991 - 2009
Produkzioa
Diskoetxea(k)	Creation Records, Epic
Taldekideak
	Liam Gallagher; Noel Gallagher; Gem Archer; Andy Bell; Zak Starkey
Lehengo taldekideak
	Paul "Bonehead" Arthur; Paul "Guigsy" McGuigan; Alan White; Tony McCaroll
Sariak
Jasotako sariak	ikusi [[Brit Award for British Breakthrough Act (en) ]] (1995) ; [[MTV Europe Music Award for Best Group (en) ]] (1996) ; [[MTV Europe Music Award for Best Rock (en) ]] (1997) ;
Informazio gehigarria
	http://www.oasisinet.com

Artikulu hau musika taldeari buruzkoa da; basamortuko hezegunea gaitzat duena beste hau da: «Oasi»

Oasis 1991n Manchesterren (Ingalaterra) sortutako rock taldea da. Haren buruan Noel Gallagher (musikagile nagusia, gitarra, eta noizbehinkako ahotsa) eta Liam Gallagher (ahots nagusia eta musikagilea) anaiak daude, taldea sortu zutenetik geratzen diren bakarrak. Gaur egungo gainerakoak hauexek dira: Gem Archer (erritmo gitarra, teklatua eta musikagilea), Andy Bell (baxua, gitarra nagusia, teklatua eta musikagilea) eta Zak Starkey (bateria), Ringo Starr The Beatlesen bateria-jotzailearen semea, nahiz eta haren partehartzea ofizialki iragartzekoa den.

Eragina egin dietenen artean, The Beatles, The Rolling Stones, The Who, eta The Kinks aipatzen dituzte. Halaber, 1970eko hamarkadako Slade eta T. Rex gisako glam rock taldeak, baita The Sex Pistols, The La's, The Stone Roses, edo The Smiths ere.

Definitely Maybe (1994) izeneko estreinako diskoa Erresuma Batuan ordu arte azkarren salduriko estreinako albuma izan zen, 2006an bakarrik Artic Monkeys taldearen lehen lanak garaitua. Baina handik urtebetera kaleraturiko (What's the Story) Morning Glory? albumari esker bilakatu ziren ezagun nazioartean, Wonderwall eta Don't Look Back In Anger abestiek lagunduta: lan horren ia 19 milioi ale saldu dira egun arte. Blur talde garaikidearekin izandako ustezko lehiari esker, prentsaren interes bizia biztu zuten eta, 1990eko hamarkadaren erdiko Britpop mugimenduko talde handienetakoa bilakatu zen Oasis. Gallagher anaien jokabidea ere prentsa horian agertzeak taldearen ospea areagotu zuen. Hirugarren albuma, Be Here Now, lehen egunean kopia gehien saldu duena da, 500.000raino ia-ia iritsi baitzen. Gainera, oraindik ere, lehengo astean kopia gehien saldu dituen albuma da Erresuma Batuan, asteazkenetik larunbata bitartean 695.761 ale saldu zirelako.

Jatorrizko taldekide askok alde egin arren, Oasisek Britpop mugimenduko beste talde frankok baino luzeago iraun du. Suede, Pulp eta banandurik daude edo gutxitan grabatzen dute. Oasisek diskoak kaleratzeari zein birak egiteari eutsi die arrakastatsu.

2024ko abuztuaren 27an Oasisen itzuleraren berri eman zuten Gallagher anaiek. 2025eko uztailean eta abuztuan Erresuma Batuan eta Irlandan 14 kontzertu egingo dituzte Live '25 Tour izeneko biran.^[1]