Cloaca (zooloxía)

Para outras páxinas con títulos homónimos véxase: Cloaca (homónimos).

Diagrama para ilustrar o desenvolvemento da cloaca en mamíferos.

En anatomía animal, a cloaca é unha cavidade aberta ao exterior para a expulsión de refugallos, situada na parte final do tracto dixestivo, na que conflúen tamén os condutos finais dos aparellos urinario e reprodutor. Está presente en determinadas especies de vertebrados: en todas as aves, réptiles e anfibios, así como nalgúns peixes (condrictios) e mamíferos (monotremas e marsupiais) e, excepcionalmente, nos tenrécidos, que son placentarios.

Tamén se lle dá ese mesmo nome á porción final do tubo dixestivo de certos artrópodos.