Sigma

De griichesche Buschtaf „Sigma“

De griichesche Buschtaf Sigma (griichescht Neutrum ass den 18. Buschtaf vum griicheschen Alphabet an huet no dem milesesche Prinzip e numeresche Wäert vun 200.

Urspronk

D'Phenizescht Alphabet hat véier Buschtawe fir Zëschlaut. D'Griichen haten der zwéin dovu fir hir S-Lauten iwwerholl, déi awer ni gläichzäiteg an engem vun den ënnerschiddleche algriicheschen Alphabete virkoumen. De Buschtaf Samech gouf am ioneschen Alphabet als X mat dem Lautwäert ksi gebraucht. Säin Numm awer gouf a liicht ofgewandelter Form op de phenizesche Buschtaf „Sin“ iwwerdroen, deen elo am Griichesche Sigma heescht.

Vum griichesche Sigma leede sech souwuel de kopteschen a kyrilleschen С (iwwer déi am byzantinesche Räich verbreet Form vum Sigma, deen dem C geglach huet), wéi och de laténgeschen S (iwwer d'gewéinlech Majuskel) of.

Gebrauch vum Sigma

• als klenge Sigma σ
  • am Qualitéitsmanagement Six Sigma (3,4 Feeler pro enger Millioun Feelerméiglechkeeten)
  • an der Physik
    • fir d'Uewerflächespannung
    • fir d'Fléissspannung
    • fir d'Stefan-Boltzmann-Konstant
    • fir d'spezifesch elektresch Leetfäegkeet vun engem Material
    • fir d'Pauli-Matriz
    • fir de Wierkungsquerschnëtt
    • an der Mechanik fir d'Spannung
  • an der Wierkstoffwëssen
    • eng zimmlech steif Phas am Fe-Cr-System
    • d'Zuchspannung
  • an der Informatik
    • fir d'Bezeechnung vun der Selektioun an der relationaler Algebra
    • fir d'Bezeechnung vun der Selektivitéit enger Datebankoffro
  • an der Mathematik
    • an der Statistik fir d'Standardofwäichung vun der Grondgesamtheet
    • an der mathemateischer Zuelentheorie fir eng Deelerzomm
  • an der Chimie
    • fir d'Benennung vun enger Orbital-Bannung
    • fir d'Benennung vum Sigma-Komplex
    • als Zeeche fir d'Volumenkonzentratioun
  • an der Biologie
    • fir e Protein, dat duerch Bannung un d'RNA-Polymeras fir d'Initiatioun vun der Transkriptioun noutwendeg ass (kuckt Sigma-Fakter)
  • an der Phonologie
    • fir eng Silb
  • an der Mikroökonomie
    • als Zeeche fir d'Substitutiounselastizitéit
• als grousse Sigma Σ
  • Bezeechner an der Physik fir en Σ-Baryon.
  • Symbol an der Mathematik fir d'Zomm oder Signatur.
  • Symbol an der Statistik fir d'Kovarianzmatrix
  • Symbol an der Theoreetescher Informatik fir en Alphabet
  • An der Astronomie ass Sigma d'Vitess, mat där sech d'Stären am baussenzege Rand vun enger Galaxie beweegen.
• als Wuert Sigma
  • Gebrauch an der Ekologie a Vegetatiounswëssen: Sigma-Soziologie (Synsoziologie), d. h. d'Erfaassung vu Vegetatiounskomplexe
  • Kuerzbezeechnung an der Medezin fir den S-fërmeg verlafenden Deel vum Déckdaarm (Colon sigmoideum).

Um Spaweck

Commons: Sigma – Biller, Videoen oder Audiodateien