मे २२

मे २२ हा ग्रेगरी दिनदर्शिकेनुसार वर्षातील १४२ वा किंवा लीप वर्षात १४३ वा दिवस असतो.

ठळक घटना आणि घडामोडी

बारावे शतक

• ११७६ - इराकी सम्राट सलाद्दीन वर खूनी हल्ला.

चौदावे शतक

• १३७७ - पोप ग्रेगोरी अकराव्याने पाच पोपचे फतवे काढून इंग्लिश तत्त्वज्ञानी जॉन वायक्लिफची मते खोडून काढण्याचा प्रयत्न केला.

अठरावे शतक

• १७६२ - स्वीडन व प्रशिया मध्ये हॅम्बुर्गचा तह.

एकोणिसावे शतक

• १८०७ - अमेरिकेत ज्युरीने भूतपूर्व उपाध्यक्ष एरन बरवर देशद्रोहाचा आरोप ठेवला.
• १८५६ - अमेरिकन काँग्रेसमध्ये गुलामगिरी विरुद्ध भाषण केल्या बद्दल मॅसेच्युसेट्सच्या सेनेटर चार्ल्स सम्नरला दक्षिण कॅरोलिनाच्या सेनेटर प्रेस्टन ब्रूक्सने कॉॅंग्रेसच्या आवारातच छडीने चोप दिला.
• १८७२ - अमेरिकेच्या राष्ट्राध्यक्ष युलिसिस एस. ग्रॅंटने अमेरिकन गृहयुद्धात दक्षिणेकडून लढलेल्या वा दक्षिणेबद्दल सहानुभूती असलेल्या ५०० व्यक्तींना माफी जाहीर केली.

विसावे शतक

• १९०६ - अथेन्समध्ये तिसरे ऑलिंपिक खेळ सुरू. काही काळानंतर यांची अधिकृत खेळ म्हणून मान्याता काढून घेण्यात आली.
• १९०६ - राइट बंधूंना त्यांच्या उडणाऱ्या यंत्रासाठी पेटंट देण्यात आला.
• १९१५ - स्कॉटलंडच्या ग्रेटना ग्रीन शहराजवळ चार रेल्वे गाड्यांची एकमेकांस धडक. २२७ ठार, २४६ जखमी.
• १९३६ - आयर्लंडची राष्ट्रीय एरलाईन एर लिंगसची स्थापना.
• १९३९ - जर्मनी व इटलीत पोलादी तह.
• १९४२ - दुसरे महायुद्ध - मेक्सिकोने दोस्त राष्ट्रांच्या बाजूने युद्धात पदार्पण केले.
• १९६० - चिली देशात आजतगायत नोंदण्यात आलेला सगळ्यात तीव्र भूकंप झाला. रिश्टर मापनपद्धतीनुसार याची तीव्रता ९.५ होती.
• १९६२ - कॉन्टिनेन्टल एरलाइन्स फ्लाइट ११ या बोईंग ७०७ प्रकारच्या विमानात बॉम्बस्फोट. ४५ ठार.
• १९६८ - अमेरिकेची परमाणुचलित पाणबुडी यु.एस.एस. स्कॉर्पियन एझोर्स बेटांजवळ ९९ खलाशी व अधिकाऱ्यांसहित बुडाली.
• १९७२ - श्रीलंकेने नवीन संविधान अंगिकारले.
• १९९० - उत्तर यमन व दक्षिण यमन यमनचे प्रजासत्ताक या नावाने एकत्र झाले.

एकविसावे शतक

• २००४ - अमेरिकेच्या नेब्रास्का राज्यातील हलाम या गावात एफ.४ टोर्नेडो. ४ कि.मी. रुंदी असलेल्या या टोर्नेडोने सगळे गाव नेस्तनाबूद केले. आधीच धोक्याची सूचना मिळाल्यामुळे फक्त एक नागरिक ठार.
• २००४ - भारताचे पंतप्रधान म्हणून मनमोहन सिंग यांचा शपथविधी.
• २००९ - भारताचे पंतप्रधान म्हणून मनमोहन सिंग यांचा दुसऱ्यांदा शपथविधी.
• २०११ - अमेरिकेच्या मिसूरी राज्यातील जॉपलिन शहरात एफ.५ टोर्नेडो. २ कि.मी. रुंदी असलेल्या या टोर्नेडोने अर्धे शहर नेस्तनाबूद केले. वीस मिनिटांपूर्वी धोक्याची सूचना मिळूनही ११६ ठार.
• २०११ - पाकिस्तानच्या कराची शहरातील पी.एन.एस. मेहरान या नाविकी तळावर तालिबान आणि बलूची अतिरेक्यांनी हल्ला चढवला. सोळा सैनिक आणि सहा अतिरेकी ठार. पाकिस्तानच्या अनेक लढाऊ आणि सर्वेक्षक विमानांचे नुकसान.

जन्म

• १६८८ - अलेक्झांडर पोप, इंग्लिश कवी.
• १७७२ - राजा राममोहन रॉय, आधुनिक भारतातील अग्रगण्य धर्मसुधारक, समाजसुधारक आणि ब्राह्मो समाज संस्थापक.
• १८१३ - रिचर्ड वॅग्नर, जर्मन संगीतकार.
• १८५९ - सर आर्थर कोनन डॉयल, इंग्लिश लेखक व डॉक्टर.
• १८७१ - विष्णू वामन बापट, संस्कृत-मराठी अनुवादक.
• १८७४ - डॅनियेल फ्रांस्वा मलान, दक्षिण आफ्रिकेचा पंतप्रधान.
• १८७९ - वॉरविक आर्मस्ट्रॉॅंग, ऑस्ट्रेलियन क्रिकेट खेळाडू.
• १८८५ - टोयोडा सोएमु, जपानी दर्यासारंग.
• १९०७ - सर लॉरेन्स ऑलिव्हिये, इंग्लिश अभिनेता व चित्रपट दिग्दर्शक.
• १९४० - इरापल्ली प्रसन्ना, भारतीय क्रिकेट खेळाडू.
• १९८७ - नोव्हाक जोकोविच, सर्बियाचा टेनिस खेळाडू.

मृत्यू

• ३३७ - कॉन्स्टन्टाईन, रोमन सम्राट.
• १०६८ - गो-राइझाइ, जपानी सम्राट.
• १६६७ - पोप अलेक्झांडर सातवा.
• १८५९ - फर्डिनांड दुसरा, सिसिलीचा राजा.
• १९६६ - टॉम गॉडार्ड, इंग्लिश क्रिकेट खेळाडू.
• १९९१ - श्रीपाद अमृत डांगे, भारतीय साम्यवादी नेता व कामगार पुढारी.
• २००३ - डॉ. नित्यनाथ ऊर्फ नीतू मांडके भारतीय हृदयरोगतज्ञ.

प्रतिवार्षिक पालन

• राष्ट्र दिन - यमन.
• जागतिक जैवविविधता दिन.

बाह्य दुवे

• बीबीसी न्यूजवर मे २२ च्या विशेष घटना (इंग्रजी मजकूर)

---

मे २० - मे २१ - मे २२ - मे २३ - मे २४ - (मे महिना)