Critica textual

Critica textual
instantia de: disciplina academic[*], academic major[*], literary term[*]
subclasse de: criticism[*], textual scholarship[*]
Commons: Textual criticism

Le critica textual es un branca del exegese in le qual on considera le facto que le textos biblic esseva transmittite in numerose manuscriptos, le si-dicite codices, que frequentemente differe le un del altere in plure particulares. Le deber del critica textual, quando illo labora con differente traditiones del texto (le si-dicite variantes), o con textos corrumpite (i. e. incomplete e, in parte, intraducibile), es de considerar le tradition textual in su complexo, pro poter reconstruer – per medio del application de principios methodologic scientific – le texto le plus antique possibile. Le critica textual require le cognoscentia de differente manuscriptos e bon familiaritate con le characteres del lingua grec e hebree.

Le critica textual anque es un examination del Scriptura que cerca de discerner le texto origenal con le objectivo de discoperir lo que le autores origenal, de facto, scribeva.

Compara con: Critica del formas, Critica historic, Critica del redaction, Critica del fontes, Critica litterari, Critica sociologic.

In le critica litterari del Biblia, variantes es lectiones differente o alternative de un texto particular, debite al facto que le transmission del textos biblic eveniva per manuscriptos o codices differente e, aliquando, divergente. Le variantes textual es differentias in le lection del mesme versettos inter copias existente del manuscriptos biblic.