1837

1834 - 1835 - 1836 - 1837 - 1838 - 1839 – 1840

1837 (MDCCCXXXVII) waor e gewoen jaor wat begós op 'ne zoondag op de Gregoriaanse kalender.

Gebäörtenisse

1 jannewarie - 't Eësjte nummer zuut 't leech van ein nuuj tiedsjrif: De Gids. Nao 't gebruuk van de tied is de redactie anoniem, de oetgaever is Beyerink.
8 fibberwarie - In ein duel tösje Aleksandr Poesjkin en Georges d'Anthès wirt eine eëresjtried besjlech. Poesjkin euverliejt tweë daag later.
17 fibberwarie - In de gezèt De Zuid-Afrikaan versjient ein manifest van Piet Retief. Hae keërt zich taenge 't Brits gezag in de Kaapkolonie, dat de sjlaverniej haet verboaje zónger redelike compensatie veur de sjlavehawwende Boere. Retief en angere verlaote de Kaap en trèkke 't bènnelandj in: dit is 't begin van de Groate Trèk.
april - Ein Afghaans leger ónger aanveuring van de zoon van Emir Dost Mohammed versjleit de Sikhs biej Jamrud. Dao wachte de troepe op toesjtömming van de Èngelsje óm Pesjawar bènne te trèkke.
10 mei - De banke in de USA sjtoppe mèt 't oetbetale van sjpaartegoje. Begin van de Paniek van 1837 en van de groate depressie die dao op volgde.
20 juni - D'r kump ein eindj aan de personele unie van 't Verenigd Keuninkriek en Hannover. Nao de Britse wèt volg Prinses Victoria van Kent häöre noonk Willem IV op. In Hannover sjteit de Salische wèt häör opvolging in de waeg. De jóngere broor van Willem IV, de hertog van Cumberland, wirt hiej es Ernst August I van Hannover de landjsvors.
7 juli - Lètste doadvonnisvoltrèkking in Zjwolle. Albert Wetterman wirt opgehange veur de maord op zien vrouw.
1 augustus - Insjtèlling van ein commissie ter veurbereijing van de dreuëgmaking van 't Haarlemmermeër.
2 september - Samuel Morse demonsjtreert ziene elektro-magnetische telegraaf.
18 november - Zeve weitesjappers in Hannover, bekènd gewore es de Göttinger Sieben, protestere taenge 't aafsjaffe door de nuje keuning van de liberaal gróndjwèt van 't landj.
12 december - De Göttinger Sieben waere door keuning Ernst August óntsjlage, drie van hun teves verbanne.

zónger datum

Louis Jacques Mandé Daguerre óntwikkelt de Daguerreotype, eine veurlouper van de fotografietechniek.
D'r kump 'n eindj aan de Paderi-aorlog noe de sjtad Bonjol (geneump nao de machtige Paderi-leijer Imam Bonjol) besjtórmp is. Hiejmit is de mach van de Paderi gebraoke en de hoaglenj van Sumatra sjtevig in henj van de Nederlandersj.
De aanlègk van 't kunsmatig meër Grand Lake St. Marys in Ohio is gesjtart.