Iparraldeko itsaslaster ekuatoriala

Iparraldeko itsaslaster ekuatoriala^[1] Ozeano Bareko eta Ozeano Atlantikoko itsaslaster epel garrantzitsu bat da. Ekialdetik mendebaldera higitzen da 10º N eta 20º N paraleloen artean. Erloju-orratzen noranzko bereko bira subtropikal baten hegoaldea eratzen du.

Itsaslasterraren izendapenak «ekuatorial» adjektiboa badu ere, Iparraldeko itsaslaster ekuatoriala ez dago lotuta ekuatorearekin. Bi ozeanoetan, Kontralaster Ekuatorialak (ekialderantz higitzen da) bereizten du ekuatoreko zirkulaziotik. Ekuatorean bi ozeanoetan dagoen mendebalderanzko fluxuak Hegoaldeko itsaslaster ekuatorialaren parte da.

Iparraldeko itsaslaster ekuatorialak Amerikako herrialde asko elikatzen ditu. Cabo Verdeko uharteen inguruan sortzen da, eta mendebalderantz egiten du alisioek bultzaturik. Antilletaraino iristen da. 300 kilometro zabal da, eta 600 metroko sakonera du.