Paul Cook

Paul Cook

(2023)
Biografía
Nacemento	(en) Paul Thomas Cook 20 de xullo de 1956 (68 anos) Hammersmith, Reino Unido (pt)
Datos persoais
País de nacionalidade	Reino Unido
Actividade
Ocupación	batería , percusionista , futbolista
Período de actividade	1975 -
Membro de	The Sex Pistols Chiefs of Relief (en) The Professionals (en) Man Raze (en)
Xénero artístico	Punk rock
Lingua	Lingua inglesa
Instrumento	Batería
Selo discográfico	Virgin Records
Deporte	fútbol
Traxectoria   Equipo - Hollywood United FC (pt)
Familia
Fillos	Hollie Cook (pt)

Paul Cook, nado en Londres, Inglaterra, o 20 de xullo de 1956, é un batería británico coñecido principalmente pola súa participación no grupo punk Sex Pistols durante a existencia estable do mesmo (1975 - 1978) e as xiras posteriores de 1996, 2002 e 2003.

Traxectoria

Cook naceu e criouse no barrio de Hammersmith. A diferenza do seu amigo Steve Jones, que logo sería xunto a el un dos membros fundadores de Sex Pistols, Paul viña dunha familia economicamente estable e era moi reservado e tranquilo.

O batería tivo un bo rendemento académico na escola ata que coñeceu a Steve Jones e Wally Nightingale con quen formou a banda The Strand en 1972. Paul tamén se converteu ao comprar a súa batería no primeiro integrante en investir diñeiro en instrumentos no canto de roubalos. Co paso do tempo, e tras a incorporación de Glen Matlock como baixo e Johnny Rotten como cantante, The Strand converteríase en Sex Pistols.

Logo da separación práctica da banda tras a ida de Johnny Rotten en 1978, Cook e Jones tocaron na banda sonora da película de Malcolm McLaren The Great Rock 'n' Roll Swindle acreditadando co nome Sex Pistols algunhas das súas cancións por exemplo "Silly Thing", cantada polo propio batería. Logo diso, a banda disolveuse formalmente e Paul formou xunto ao seu compañeiro Steve Jones The Professionals en xullo de 1980. A súa segunda banda lanzou catro sinxelos e un álbum pero non logrou maior éxito comercial nin crítico. Poucos anos despois Paul colaborou na produción do álbum debut da banda New Wave Bananarama, titulado Deep Sea Skiving.

Paul e Steve tamén participaron no LP So Alone de Johnny Thunders tocando na canción "London Boys" (en galego "Raparigos de Londres").

A fins dos anos 1980 o batería retornou á industria musical para tocar no grupo Chiefs of Relief xunto ao ex guitarrista de Bow Wow Wow Matthew Ashman e, tras outro período de inactividade, tocou con Edwyn Collins nos '90. En 1996 reuniuse cos Sex Pistols, xa sen o falecido Sid Vicious, para a xira Filthy Lucre.

Na actualidade, Cook vive coa súa esposa Jenny e a súa filla Holly en Shepherds Bush e toca intercaladamente na banda Man-Raze e con Edwyn Collins.