Jan Hejduška
Jan Hejduška (němsce Johann Heiduschke, pseudonym Filaks; * 14. nowembra 1915 w Njebjelčicach, † 1944 na wuchodnej fronće) bě serbski basnik.
Narodźi so jako syn Njebjelčanskeho dźěłaćerja a wopytowaše po ludowej šuli wot 1930 do 1937 gymnazij w sewjeročěskim Bohosudovje. Wot 1933 do 1937 bě z čłonom Praskeje Serbowki a dopisowaše stajnje do jeje ilegalneho studentskeho časopisa Gmejska heja. Wot lěta 1937 dyrbješe w dźěłowej słužbje dźěłać a pozdźišo jako wojak na frontu, hdźež w lěće 1944 w starobje jenož 28 lět padny.
Z jeho literarneho dźěła su so zachowali tři basnje, w kotrychž so jeho žedźba za skutkowanjom w domiznje zwuraznje, kaž tež zajimawe listowanje.
Žórło
[wobdźěłać | žórłowy tekst wobdźěłać]- Jurij Młynk: Hejduška, Jan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 187sl.