1719

Ár

1716 1717 1718 – 1719 – 1720 1721 1722

Áratugir

1701–1710 – 1711–1720 – 1721–1730

Aldir

17. öldin – 18. öldin – 19. öldin

Róbinson Crusoe og Frjádagur.

Árið 1719 (MDCCXIX í rómverskum tölum)

Á Íslandi

• 26. febrúar - Bærinn á Lækjamóti í Víðidal brann og Guðbrandur Arngrímsson sýslumaður og Ragnheiður Jónsdóttir kona hans brunnu inni.
• Lögmönnunum Oddi Sigurðssyni og Páli Vídalín falið að semja frumvarp að nýrri íslenskri lögbók. Því verki var þó aldrei lokið.
• Galdramáli sem Markús Bergsson sýslumaður hafði dæmt í var vísað til Alþingis en þingmenn ávítuðu sýslumann fyrir að eyða tíma þingsins í slíkt fáfengi.
• 170 skipbrotsmenn af danska herskipinu Göteborg, sem strandaði við Þorlákshöfn 1718, fara úr landi.
• Sögubrot af nokkrum fornkonungum kom fyrst út í Svíþjóð.
• Hæstiréttur í Danmörku staðfesti undirréttardóm um að Niels Fuhrmann amtmaður á Bessastöðum skyldi efna loforð sitt um að giftast Appolloniu Schwartzkopf.

Fædd

• 17. maí - Bjarni Pálsson landlæknir (d. 1779).
• Arnes Pálsson, útileguþjófur og tugthúslimur (d. 1805).

Dáin

• 31. janúar - Þormóður Torfason sagnaritari (f. 1636).
• 4. febrúar - Jón Steinsson Bergmann læknir, sonur Steins biskup (f. um 1696).
• 26. febrúar - Guðbrandur Arngrímsson Vídalín, sýslumaður í Vestur-Húnavatnssýslu (f. 1639).

Opinberar aftökur

• Halldór Sumarliðason, þá 82 ára gamall, dæmdur til dauða í Ísafjarðarsýslu og dómur staðfestur á Alþingi, fyrir hans þriðja hórdómsbrot.

Erlendis

Kartöfluræktun breiddist út um alla Evrópu á 18. öld.

• 23. janúar - Furstadæmið Liechtenstein varð til.
• Mars - Úlrika Leónóra krýnd drottning Svíþjóðar.
• 25. apríl - skáldsagan Róbinson Krúsó eftir Daniel Defoe kom út.
• Manntal tekið í Prússlandi og var það fyrsta allsherjarmanntal á meginlandi Evrópu.
• Kartöflur fyrst ræktaðar í Danmörku. Kartöflur náðu þó ekki útbreiðslu þar fyrr en löngu síðar.

Fædd

• 22. maí - Otto von Rantzau greifi, stiftamtmaður á Íslandi (d. 1768).
• 14. nóvember - Leopold Mozart, austurrískt tónskáld (d. 1787).

Dáin

• Michel Rolle, franskur stærðfræðingur (f. 1652).
• Desember - Ulrik Christian Gyldenløve, stiftamtmaður Íslands og yfirforingi danska flotans (f. 1678).