Furlong

Furlong er ei eldre måleining for lengd som vart brukt i engelsktalende land. Ein furlong er lik ein åttandedels mile eller 220 yards. Eininga er no stort sett gått ut av bruk, utanom innanfor hesteløp, der han enno er i bruk i Storbritannia, Irland, Canada og USA.

Bruken av furlong går tilbake til 800-talet og kanskje tidlegare. Ein furlong var opphavleg lengda av ei plogfure (gammalengelsk: furh) på ein åker. Flatemålet «acre» vart definert som eit rektangel med lengd på 1 furlong og breidd på 1 chain (22 yards).

Fem furlong tilsvarar omtrent ein kilometer. Samanlikning med andre måleiningar:

1 furlong = 10 chain = 220 yard = 660 fot = 7 920 tomme = 201,168 meter.

1 engelsk mil = 8 furlong = 80 chain = 320 rod = 8 000 link.

Kjelder

• Denne artikkelen bygger på «Furlong» frå Wikipedia på bokmål, den 9. november 2013.