မိူဝ်ႈၶမ်ႈဝႃး ဝၼ်းပုတ်ႉၼၼ်ႉ ၾႆးမႆႈပႃႇ ဢၼ်မႆႈဝႆးဝႆး တီႈလွႆႁေႃးလီးဝုတ်ႉသေ ႁဵတ်းပဵၼ်လွင်ႈလွၵ်ႇငိူတ်ႈ ဢၼ်ပဵၼ် ဝဵင်းၸိုဝ်ႈသဵင်လိုဝ်းလင် ဢၼ်ၼိုင်ႈ Los Angeles သေ ယွၼ်ႉဝႃႈ ၽူႈၶႄၾႆးၶဝ် တိုၵ်းတေႃး တႃႇတေၵုမ်းထိင်းလႆႈ ၾႆးမႆႈလူင် ထႅင်ႈသၢမ်ဢၼ် ဢၼ်ႁဵတ်းႁႂ်ႈ ၵူၼ်းတၢႆ 5 ၵေႃႉ၊ ဢၼ်လႆႈၽူတ်ႇၸွႆႈၶၢႆႉၵူၼ်း 130,000 ႁႂ်ႈလွတ်ႈတီႈၽေး တႄႇဢဝ် ၽင်ႇပၢင်ႇလၢႆႇပၸိၾိၵ်ႉ တေႃႇထိုင် ၼႂ်းမိူင်းပႃႇသႃႇတီႇၼႃႇ။
[ML] [ ± ] - ၶရႅတ်ႉတိတ်ႉ ၶႅပ်းႁၢင်ႈ - လူထႅင်ႈ...
ၶၢဝ်ႇလႃႈသုတ်း ±
မိူဝ်ႈဝၼ်းဢႃးတိတ်ႉၼၼ်ႉ ဢိင်ႇသၼ်ႇႁၢဝ်ႈႁႅင်း တီႈၼႃႈလိၼ်သုင် တီႈမိူင်းၶႄႇပွတ်းတူၵ်း လႄႈ တီႈၼႃႈလိၼ် မိူင်းၼေႇပေႃးသေ ႁိူၼ်းယေး ၼပ်ႉႁူဝ်ပၢၵ်ႇ လူႉၵွႆ လႄႈ သဵၼ်ႈတၢင်း ၵူၼ်ႇပင်း လႄႈ ၵူၼ်းမိူင်းတီႈတိပႅတ်ႉ လႆႈတၢႆၵႂႃႇ ဢမ်ႇယွမ်း 126 ၵေႃႉ ၼႆယဝ်ႉ။ ၵူၼ်းထႅင်ႈတင်းၼမ် တိုၵ်ႉၶမ်ဝႆႉ ဝၢႆးသေ ဢိင်ႇသၼ်ႇၼပ်ႉႁူဝ်သိပ်း ဢၼ်ႁဵတ်းႁႂ်ႈ တီႈၵႆၼၼ်ႉၵေႃႈ ပေႃးတူင်ႉၼိုင်ၵႂႃႇ။
ၸွမ်ၽွင်းလူင် မိူင်းၶႅၼ်ႇၼေႇတႃႇ Justin Trudeau ပိုၼ်ၽၢဝ်ႇ လွင်ႈထွၼ်တူဝ်ဢွၵ်ႇ မိူဝ်ႈဝၼ်းၸၼ် ဝၢႆးသေ မၼ်းလႆႈ ဢႃႇၼႃႇမႃး ၸမ်သိပ်းပီယဝ်ႉ ယွၼ်ႉ လွင်ႈဢမ်ႇပဵင်းပေႃးၸႂ် ၼိူဝ် လွင်ႈဢွၼ်ႁူဝ်မၼ်း လႄႈ လွင်ႈသုၵ်ႉယုင်ႈ ၼႂ်းလူင်ပွင်ၸိုင်ႈမၼ်း ဢၼ်ယႂ်ႇမႃး ယွၼ်ႉ ၽွင်းလူင် ၽၢႆႇငိုၼ်းတွင်း မၼ်း ၵိုင်ႉၵၢင်ႉဢွၵ်ႇၵႂႃႇ ၼၼ်ႉယဝ်ႉ။
မိူဝ်ႈဝၼ်းသုၵ်းၼၼ်ႉ ၸုမ်းပႂ်ႉၸွမ်ပွင်ၸိုင်ႈ ၵၢဝ်းလီၸၢၼ်း လႄႈ တပ်ႉသိုၵ်းၶဝ် ႁႄႉႁၢမ်ႈ ၸဝ်ႈၼႃႈတီႈၶဝ် ဢမ်ႇႁႂ်ႈတီႉၺွပ်း ၸွမ်ပွင်ၸိုင်ႈ ယုၼ်ႇသူၵ်ႉယဵဝ်ႇ ဢၼ်ထုၵ်ႇဢဝ်တၢင်းၽိတ်းၼၼ်ႉ လႆႈမီးလွင်ႈၶဵင်ႈၶႅင်ၵၼ် ၶၢဝ်းတၢင်း 6 ၸူဝ်ႈမူင်း ၼႂ်းဝၢင်း ယုၼ်ႇ တီႈၵၢင်ဝဵင်း သျူဝ်းလ်ၼၼ်ႉယဝ်ႉ။
မိူဝ်ႈဝၼ်းဢႃးတိတ်ႉ တီႈမိူင်းၵၢဝ်းလီၸၢၼ်းၼၼ်ႉ ႁိူဝ်းမိၼ် လမ်းၼိုင်ႈ လႅၼ်ႈဢွၵ်ႇတီႈ သဵၼ်ႈတၢင်း ႁိူဝ်းမိၼ်သေ ၽႃႇၺႃး ႁူးၽၵ်းတူ ၶွၼ်ႇၵရိတ်ႉသေ ၾႆးမႆႈၵႂႃႇ ဝၢႆးသေ ၶိူင်ႈလူင်းႁိူဝ်းမိၼ် ဢမ်ႇႁဵတ်းၵၢၼ်လႆႈၼၼ်ႉယဝ်ႉ။ ၼႂ်းၵူၼ်း 181 ၵေႃႉ ဢၼ်ၶီႇၼိူဝ်ႁိူဝ်းမိၼ်ၼၼ်ႉ လိူဝ်သေ 2 ၵေႃႉၼၼ်ႉ လႆႈတၢႆၵႂႃႇ ၼႂ်းၽေးၶဵၼ် ၵၢၼ်မိၼ် ဢၼ်ႁၢႆႉၸႃႉလိူဝ်ပိူၼ်ႈ ၼႂ်းမိူင်းၼၼ်ႉ ၼႆယဝ်ႉ။
ၽႃႇသႃႇၵႂၢမ်းတၢင်ႇၸိူဝ်း တီႈ ဝီႇၶီႇၶၢဝ်ႇ
ဝူင်းၵၢၼ်ပီႈၼွင်ႉ
» More Wikinews stories
±
