Zimbabwiese dollar
Die Zimbabwiese dollar was vanaf 1980 tot 12 April 2009 die amptelike geldeenheid van Zimbabwe.
Wisselkoers
[wysig | wysig bron]Voor die bekendstelling van die nuwe (sogenaamde derde) Zimbabwiese dollar op 1 Augustus 2008 het een Amerikaanse dollar 57 381 544 140 (sommige bronne gee 69 miljard aan) Zimbabwiese dollar gekoop. Die Reserwebank van Zimbabwe het op 30 Julie 2008 verklaar dat 10 nulle van die dollar se monetêre waarde geskrap sou word. Die nuwe dollar is dus teen 'n wisselkoers van een Amerikaanse dollar vir 6,56897 Zimbabwiese dollar bekend gestel (omdat 10 nulle geskrap is). Teen Donderdag 8 Augustus 2008 was een Amerikaanse dollar 8,66 Zimbabwiese dollar werd (ietwat swakker as die Suid-Afrikaanse rand), maar sedertdien het die eenheid verswak tot op 21 September 2008 toe een Amerikaanse dollar gelyk aan 94,7 Zimbabwiese dollar was. Met die 10 nulle bygereken, kom dit neer op 947 000 000 000 (947 miljard Zimbabwiese dollar vir een Amerikaanse dollar). Winkels het tot 31 Desember 2008 die ou sowel as die nuwe prys van goedere vertoon. Die nuwe banknote ($1, $5, $10, $20, $50, $100 en $500) het op 1 Januarie 2009 die enigste wettige banknote geword. Maar met die gedurige verswakking van die Zimbabwiese dollar, was selfs die $500-noot op 21 September 2008 net ZAR42,07 werd en die $1-noot net 8 Suid-Afrikaanse sent.
Op 13 September 2008 is buitelandse valuta tot wettige betaalmiddel as de facto-geldeenheid in Zimbabwe verklaar vanweë kontanttekorte en die waardeloosheid van die Zimbabwiese dollar.
Sien ook
[wysig | wysig bron]Eksterne skakels
[wysig | wysig bron] |
Wikimedia Commons bevat media in verband met Zimbabwiese dollar. |