Dütsche Bundestag

Wahlergebnis vo de Bundestagswahle

Bundestag

De Dütschi Bundestag isch s Parlament vo de Bundesrepublik Dütschland un het sin Sitz z Berlin.

Im politische Syschtem vo de Bundesrepublik isch de Bundestag s einzig Verfassigsorgan vom Bund, wo direkt vom Volk gwählt wird. De Bundestag hät mindeschtens 598 Mitglieder. Wege de Überhangmandat sin s meischt einigi meh. D Legislaturperiode vom Bundestag isch vier Johr. D Mitglider chöi sich zu Fraktione oder Gruppe zämmeschliesse. De Vorsitz im Bundestag het de Bundestagspräsident. Syt 2017, wo de 19. Dütschi Bundestag mit 709 Abgordnete amtiert, isch de CDU-Politiker Wolfgang Schäuble de Präsident. Sini Stellvertreter sin de Hans-Peter Friedrich (CSU), de Thomas Oppermann (SPD), de Wolfgang Kubicki (FDP), d Petra Pau (Die Linke) un d Claudia Roth (Bündnis 90/Die Grünen).

De Bundestag het vili Funktione: Er duet d Bundesgsetz bschlüsse un cha mit ere 2/3-Mehrheit au d Verfassig ändre. Hüfig bruchts für e Gsetzesänderig au d Zustimmig vom Bundesrat, wo d Länder drin verträte sin. De Bundestag duet au Verträg mit andere Staate un Organisatione gnämige un de Bundeshushal bschlisse. Au d Wahl vom Bundeskanzler isch d Ufgab vom Bundestag. Ebeso isch er bi de Wahl vom Bundespräsident, vo de Bundesrichter un andre wichtige Bundesorgane beteiligt. Au d parlamentarisch Kontrolle vo de Bundesregirig isch e Ufgab vom Bundestag un er kontrollirt d Iisätz vo de Bundeswehr.

Wichtig isch au die sognannti Öffentlichkeitsfunktion. De Bundestag het dodermit d Ufgab, d Bevölkerig un ihri Wünsch z repräsentire un si uf de andre Site au z informire.

Film

• Demokratie, wie funktioniert das? – Hinder de Kulisse vom Bundestag. ARD-Dokumentazion 2003. Buech und Reschii: Torsten Sasse.

Weblink

 Commons: Bundestag – Sammlig vo Multimediadateie

• d Internetsite vom Dütsche Bundestag

Dä Artikel basiert uff ere fräie Übersetzig vum Artikel „Deutscher_Bundestag“ vu de dütsche Wikipedia. E Liste vu de Autore un Versione isch do z finde.