Coiffeur/Friseur

Coiffeurmeischtere bim Haarwäsche

E Coiffeur, Coiffeuse und Coiffeuri; im Baadische Frisöör oder Frisèèr, (veraltet au Hoorschniider; Nöidütsch Hairstylist, Hair-Stylist) isch e Fachchraft für d Pflääg vom Haar uf em Chopf und d Gstaltig vo dr Frisur. Dr Bruef het sich im dütschspraachige Ruum und im e grosse Däil vo Wescht- un Middelöiropa us de mittelalterliche Brüef vom Baader und vom Barbier äntwicklet.

Dr Bruef isch hüte e klassischi Frauedomäne. 2010 häi d Fraue in de DACH-Länder 93 Brozänt vo de Coiffeur usgmacht. D Usbildig isch in de dütschsproochige Länder drei Joor lang.

D Bezeichnig

Ds Wort chunnt us em Franzöösische und leitet sich vo coiffer (Huet usw. uf e Chopf setze) und vo coiffe („Huube“) ab. Au Frisöör chunnt us em Franzöösische. S Wärb friser bedütet so vil wie „chrüüsle“. Dr Begriff Friseur wird im Französische nüme brucht.

Weblingg

 Commons: Coiffeurs – Sammlig vo Multimediadateie

• Hārschnīder, Schw. Id., Bd. 9, Sp. 1132