Gelasius I.

Dr Gelasius un d Zwee-Schwärter-Lehr, Haidelbercher Schwobespiegelhandschrift (Haidelberch, Universitetsbibliothek, Cod. Pal. Germ. 167, fol. 18r).

Dr Gelasius I. († 496?) isch vu eppe 492 bis eppe 496 Papscht gsii. Vermuetet wird e Duur vum Pontifikat vum 1. Merz 492 bis zum 21. Novämber 496. Är isch e Kabyl gsii un wahrschyns dr dritt afrikanisch Papscht. Sy Name maint: „dr Haiter“ (griech.).

Lääbe un Wirke

Dr Gelasius I. het gegeniber em Chaiser Anastosios I., em Odoaker un em Theoderich s Verhältnis vum Papschtdum („auctoritas sacrata pontificum“) un em Chaiserdum („regalis potestas“) formuliert as die boode Mächt, wu gmainsam d Wält regiere im Sinn vu dr Zwee-Schwärter-Lehr, wu uf ihn zruggoht. Die Unterschaidig vu dr boode Rolle Chaiser un Papscht het e großi Uuswirkiguf s Mittelalter ghaa.

Dr Gelasius het si derfir yygsetzt, ass d Rächt un d Bsitzige vum Bischof vu Rom z Sid- un z Mittelitalie blibe sin.

Mer chänt dr Gelasius aus derfi, ass är zum erschte Mol s latynisch Adjektiv modernus bruucht het, nämli go neii Lehre (admonitiones modernas) vu alte Regle (antiquis regulis) abgränze.

Sy kadolische Mahndag isch dr 21. Novämber.

Literatur

• Rudolf Schieffer: Gelasius I.. In: Lexikon des Mittelalters (LexMA). Band 4, Artemis & Winkler, Münche/Züri 1989, ISBN 3-7608-8904-2, Sp. 1197.
• Friedrich Wilhelm Bautz: Gelasius I. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 197–199.
• John F.X. Murphy: Pope St. Gelasius I.. In: Catholic Encyclopedia, Band 6, Robert Appleton Company, New York 1909 (änglisch)

Weblink

 Commons: Papst Gelasius I. – Sammlig vo Multimediadateie

• Gelasius I. im Ökumenische Heiligenlexikon, abgruefen am 10. Mai 2015
• Gsamwärch vu Migne Patrologia Latina mit Inhaltsverzaichnis

Fueßnote

Vorgänger	Amt	Nachfolger
Felix II.	Papscht 492–496	Anastasius II.

Dä Artikel basiert uff ere fräie Übersetzig vu dere Version vum Artikel „Gelasius_I.“ vu de dütsche Wikipedia. E Liste vu de Autore un Versione isch do z finde.