Hilfe:Glossar
Die Syte erklärt e paar Spezialbegriff un Abchirzige, wu in dr Wikipedia verbreitet sin, un lischtet Syte uf, wu mer meh Informatione derzue findet. Näb em alemannische Uusdruck wird do au dr Begriff us dr dytschsprochige Wikipedia gnännt.
- Bearbeitigskonflikt (Bearbeitungskonflikt)
- Wänn Du versuechsch, e Syte z spychere, wu grad vu eberem andere gänderet woren isch, no mäldet d Software e Bearbeitigskonflikt un zeigt d Unterschid aa. Du sottsch derno dyyni Änderige us em untere in s ober Tekschtfänschter ibertragen un spychern. Lueg Syte bearbeite
- Begriffsklärig, BKL (Begriffsklärung)
- Begriffsklärige sin Syte, wu Themene unterschide wäre, wu unter em glyche Name laufe aber ebis unterschidligs bedyte, lueg Begriffsklärig
- Bötli (Bot)
- E Programm, wu automatisch bstimmti Ufgaben uusfiert. Lueg Wikipedia:Bots.
- GFDL, GNU FDL
- D Lizenz vu dr Wikipedia, d GNU-Lizänz fir freji Dokumäntation. Lueg au Lizänzbstimmige.
- Interwiki-Link
- Link in e ander (Wikimedia-)Wiki bzw. zuen eme Artikel in ere andere Sproch. Siehe Internationalisierig un Interwiki-Link.
- IP
- E IP isch e Benutzer, wu nit aagmäldet isch un wu wäge däm nume iber syy IP-Adräss cha identifiziert wäre.
- kat
- e Kategorii
- Lemma
- E Lemma isch e Stichwort oder e Artikel
- MediaWiki
- D Software, wu d Wikipedia mit funktioniert, lueg MediaWiki.
- Meta-Wiki
- Mehsprochig Wiki, wu ibergryft iber alli Projäkt vu dr Wikimedia-Foundation, lueg Meta-Wiki Houptsyte.
- Namensruum (Namensraum)
- D Ufteilung vu dr Wikipedia no Namensryym trännt Meta- un Spezialsyte wie die dur e Präfix (z. B. "Wikipedia:", "Benutzer:", "Diskussion:") vu dr enzyklopedische Artikel.
- Wyterleitig (Weiterleitung, Redirect, redir)
- Wyterleitig zuen eme andere Artikel.
- ruckgängig (rückgängig, revert, rv)
- Widerhärstelle vun dr alte Fassig vun eme Artikel.
- Spezialsyte (Spezialseiten)
- Syte, wu dr Inhalt vun ene vu dr Wikipedia-Software automatisch aagleit wird, lueg Spezialsyte.
- Stumpe (stub)
- E seli churze Artikel.
- Ammann (Administrator, sysop)
- Lueg Wikipedia Ammanne.
- typo
- Tippfähler bzw. Tippfählerkorrektur; wird v. a. in dr Zämmefassig brucht, wänn nume chleini Tipp-, Rächtschryb- oder Zeichesetzigsfähler verbesseret wäre.
- URV
- Urheberrächtsverletzig, lueg au Acht gee uf s Urheberrächt
- Vandalismus
- Beswilligi Veränderige an Artikel, wu schnäll ruckgängig gmacht ghere. Benutzer, wu vandaliere, wäre zmindescht e Zytlan gsperrt.
- Verwaister Artikel
- E Syte, wu vu keinere anere Syte druf verwise wird. Sonigi Syte cha mer nume iber d Suechi finde. lueg Verwaisti Syte un Verwaisti Bilder.
- Widergänger (Wiedergänger)
- E Artikle, wu scho mol glescht wore isch, aber wider aagleit wore isch, wird normalerways schnäll wider glescht.
- wikifiziere (wikifitieren, wikify)
- Wikifiziere meint, e Artikle in Wiki-Syntax (Textgstaltig) z formatiere un e z verlinke, lueg Wikifiziere.
- Wikiliebi
- E zentral Konzäpt vu dr Wikipedia, wu mer sich sott z Härze neh, lueg Wikiliebi.
- Wikimedia
- D Organisation, wu d Wikipedia un anderi Projäkt betrybt, lueg Wikimedia Foundation.
- Wikipedianer
- So nänne sich d Lyt, wu an dr Wikipedia mitschaffe, lueg D Wikipedianer.
- Wikiquette
- D Umgangsregle in dr Wikipedia, lueg Wikiquette.
- WP
- Isch natyrli d Wikipedia!!!
Wänn Du Froge hesch, no hälfe Dir d Wikipedianer gärn wyter. Froge zue dr Wikipedia chasch au do stelle.