Tullus Hostilius
De Tullus Hostilius isch de dritt König vo Rom (672-640 v. Chr.) gsi.
Famili
[ändere | Quälltäxt bearbeite]Em Tullus sin Grossvatter isch de Tullus Hostilius gsii, e troie Aahänger vom Romulus. Sini Grossmuetter Hersilia isch nochem Tod vom Tullus Hostilius d Frau vom Romulus wore, dozmol isch sin Vatter Hersilius no e Bueb gsii.
Taate
[ändere | Quälltäxt bearbeite]De Tullus Hostilius isch e chriegerische und listige Maa gsii. Er het s Heer vo de Römer uusbaut. Er het d Stadt Alba Longa ignoo, wobii d Entschaidig nöd inere Schlacht sondern im Zwaikampf zwöschet de Horatische Drilling und de Curiatische Drilling entschide woren isch. D Biwoner vo Alba Longa hend aber versuecht s römische Joch abzwerfe. Im End het de Tullus Hostilius Alba Longa abegfacklet und d Biwoner z Rom agsidlet und si zu römische Börger gmacht.
Nochdem er im Alter chrank woren isch, isch er Priester wore. Glii drufabe aber het de Bliitz i sis Huus igschlage und er isch mit Frau und Chind verbrennt. Sii Nofolger isch de Ancus Marcius wore.