Houptsyte

Schwyzerdütsch

Grüezi, grüessech und willkomme uf der Houptsyte vor alemannische Wikipedia,
en Enzyklopedi wo alli derbi chöi mitschaffe und verbessere, und wo darf frei verbreitet werde!

Di alemannischi Wikipedia isch en Enzyklopedi i de Dialekt vom alemannische Sprachruum, also vo der Dütschschwyz, vom Elsass, vo Liechtestei, vo Oberbade, vom Schwabeland und vo Vorarlberg.

Das bedütet, dass a dem Projekt alli chöi teilnä, wo en alemannischi Dialektspilart beherrsche, wo da gredt wird. Die Enzyklopedi wachst dür di freiwilligi Hilf vo allne, wo öppis in irer Mundard wöi bytrage. Yträg chöi vo allne Bsuecher gschribe und gänderet werde. Alli si härzlich yglade mitzmache. Bringet eues Wüsse y und helfet eso mit, ds Alemannische z pflege, ufzwerte und z erhalte. Di erschte Schritt si ganz eifach!

Wer mir vo der Alemanische Wikipedia si und was mir wei, findsch i üsem Profil.

Zum Usprobiere lueget im Sandchaste, wo alli dörfe ineschrybe wie si wöi. Frage und Vorschläg chöit dir i d Hilfsyte ineschrybe. Uf em Gmeinschafts-Portal dörfe alli, wo wöi, a Abstimmige teilnä und diskutiere. Für d Mindestaforderige vomene Artikel lueg uf üsi Artikelrichtlinie, und für sprachlichi Mindestaforderige lueg uf Wie schryb ich guets Alemannisch.

D Inhält vor Wikipedia dörfe frei kopiert und verbreitet werde.

Bis jetz häts bi der alemannische Wikipedia 30.732 Artikle.

Artikel vor Wuche: Johann Peter Hebel

De Johann Peter Hebel isch en ditsche Dichter, evangelische Theolog, Prälat un Pädagog gsi. Uf d Wält cho isch er am 10. Mai 1760 z Basel, gstorbe am 22. September 1826 z Schwetzige. Är giltet as de wichtigscht alemannisch Dialäktdichter. Bekannt wore isch er vor allem dur sini "Allemannische Gedichte" un dur Kaländergschichte, wu im Volkskaländer "Der Rheinische Hausfreund" erschine sin. (…der ganz Artikel lese)