Houptsyte

Schwyzerdütsch

Grüezi, grüessech und willkomme uf der Houptsyte vor alemannische Wikipedia,
en Enzyklopedi wo alli derbi chöi mitschaffe und verbessere, und wo darf frei verbreitet werde!

Di alemannischi Wikipedia isch en Enzyklopedi i de Dialekt vom alemannische Sprachruum, also vo der Dütschschwyz, vom Elsass, vo Liechtestei, vo Oberbade, vom Schwabeland und vo Vorarlberg.

Das bedütet, dass a dem Projekt alli chöi teilnä, wo en alemannischi Dialektspilart beherrsche, wo da gredt wird. Die Enzyklopedi wachst dür di freiwilligi Hilf vo allne, wo öppis in irer Mundard wöi bytrage. Yträg chöi vo allne Bsuecher gschribe und gänderet werde. Alli si härzlich yglade mitzmache. Bringet eues Wüsse y und helfet eso mit, ds Alemannische z pflege, ufzwerte und z erhalte. Di erschte Schritt si ganz eifach!

Zum Usprobiere lueget im Sandchaste, wo alli dörfe ineschrybe wie si wöi. Frage und Vorschläg chöit dir i d Hilfsyte ineschrybe. Uf em Gmeinschafts-Portal dörfe alli, wo wöi, a Abstimmige teilnä und diskutiere. Für d Mindestaforderige vomene Artikel lueg uf üsi Artikelrichtlinie, und für sprachlichi Mindestaforderige lueg uf Wie schryb ich guets Alemannisch.

D Inhält vor Wikipedia dörfe frei kopiert und verbreitet werde.

Bis jetz häts bi der alemannische Wikipedia 30.756 Artikle.

Tschugger (stddt. Polizist) isch en Schwizer Krimi-Komedi-Seeria vam David Constantin und dum Mats Frey üsu Jaar 2021 bis 2024. D Seeria isch en Koproduktioo vam Schwizer Fernse SRF mit Shining Film. D eerscht und di zweit Staffla sind zämu mit Sky Switzerland produzierti cho. Äs geit umu Walliser Kantoonspolizischt Bax (David Constantin), wa en Drooguschmuggel will üfdecku. Der David Constantin het Regie gfiert und ds Dreebüech gschribu.

Iner eerscht und zweit Staffla geits vor allum um en Regionaalposchtu vaner Walliser Kantoonspolizii. Der Bax, wa eiguntli Johannes Schmidthalter heisst und am Afang va schiiner Polizischtukarrieera du Bernard Rappaz verhaftut het, ermittlut uf eiguni Füüscht ima Fall va illegaalum Handel mit Cannabis. Ufum Poliziiposchtu, wa der Bax schaffut, macht der «Smetterling» (eiguntli Patrick) va Zürich grad es Praktikum. En witeri Höiptpersoo isch di Bundespolizischti Annette Brotz. Schi chunt ufum Poliziiposchtu vorgstellt, aber niemu weiss eso genau, warum di Bundespolizii schi het in ds Wallis gschickt. (…der ganz Artikel lese)

Früeneri Artikle vor Wuche: