Martin Luther King

“Ira ko cecay a pisalemed ako.”(inkilis: I Have a Dream) i 1960 mihecaan a nano katadamaan no pipapelo i Amilika o kakeridan no finawlan salongoc to sakalatamdaw no kohetingay tamdaw ci Mating. Lote.

Martin Luther King, Jr. (1964)

King hakasi, o sakatadamaan ningra itini tina papelo ningra, ci’icel pakasowal to paini ningra to kohetingay tamdaw ato kohecalay tamdaw ira ko cecay romi’ad malanga’ay ko ka’orip sanay a nihiratengan ningra, satikotiko sa ko sowal to “Ira ko cecay a pisalemed ako.” Sanay. O pipapelo i 1963/8/28 pirarakatan i Wasenton, ka’ayaw to pihiratengan(pikiningan) ci Linkenan a papelo. Onini a papelo malosaka laheci no pikaykian no Amilika i 1964 miheca maketon i “1964 miheca no tamdaw salongoc a rikec” mahapiw kalomisiikeday to finacadan ato misawacoay a rikec o caayay katatodong i sarikec.

I 20 sici a 60 mihecaan itiya, o Amilika a tamdaw ditdit sato a mafana’ to satimol ato sa’amis a kalaloodan o sapipalasawad to palafadesay to fohetingay tamdaw a onto, nika awaay aca ko malanga’ayay ko ka’orip a heci. Ikoray 19 sici, o fohetingay tamdaw no Amilika a salongoc no nikalatamdaw madahdah i sakowan no kanatal ato misawacoay to fohetingay tamdaw a rikec. Saki’orip to romi’ami’ad, fohetingay tamdaw no Amilika mapalacidek, caay ka nga’ay ko fohecalay tamdaw malakapot mitilid, maro’to i fasu palacideken, caay kanga’ay malafiyaw i cecay a niyaro’.

Fohetingay tamdaw caay ka nga’ay mikihatiya to ’orip no syikay no Amilika, halo ikor to no 100 miheca o yanan to ato mipalawaco a milingangan to masamaamaanay to salongoc, orasaka fohetingay tamdaw no Amilika awaay ko malecaday to nikacowat to saki’orip nangra. Milonokay sakapot no fohetingay tamdaw ato kiwkay ato kasasiroma a sida’itay a kasakapot no Amilika tamdaw, malacecay ko faloco’ misa’icel palowad to salongoc no nikalatamdaw a onto. Colacolen nangra ko Finawlan-Pikaikian a papiketon to cicediay a sarikec, mapalasawad to i syakay no Amilika ko palacidekay to finacadan no syakay ato palawacoay to finacadan.

1963/8/28 romi’ad i Wasenton pihiratengan(pikiningan) ci Linkenan masaopo to ko “tala’ayaw to sapakonira a tayal” o tadamaanay ko nian to salongoc no nikalatamdaw a onto. Toya romi’ad o pacekilan no faloco’ no finawlan, citodong ci Mating. Lote. King poksi to notimolan a Keristokiw saopo a papeloay. Ira ko cecay a sinpon kisya sowal sa, o pipapelo ni King “matomes ni Linken ato ni Kanti a salo’afang ato rakat no Fangcalay Cudad”, saan. Mipatesel ko sowal ato cimarama’ay, patalahekal paratoh to – tatapangan no ticukacu ko nian – caay ka cipakafolaway ko pakayraan no sapifalic, marayray ko sowal, ci’icel ko piliyang. Itiya i 60 miheca ato 70 mihecaan, palisaotan no Amilika, congtong ato hoying malosapipalasawad to midipangay to sarikec ko nipipapelo ni King.

I ’ayaw no 100 miheca, o cecay tadamaanay no Amilika a tamdaw mifica to misdeal to palafadesay a hapiw sanay, anini itini kita mapolong i ka’ayaw pihiratengan cingraan masaopo. O katadamaanan a matiya o likat no ci’edilay, o

CONGTONG ci Kannayti aci KingHakasi (Photograph of White House Meeting with Civil Rights Leaders. June 22, 1963 )

sakacipafaloco’an no pafadesay to ’orip i awaayay ko mo’ecelay i masalefotay a kohetingay a tamdaw. Sakaira niira matiya o lipahak no monihar, paherek to ko raraya’ay a dadaya mipalitay to fohetingay tamdaw. Nikawrira ikor no 100 mihecaan to anini i, mahapinangaw ita awaayho ko mapakoniraay itini a sakifadesan a so’elinay. Ikor no 100 mihecaan anini, mipalacidekay to finacadan a sapalit iyar. Ikor no 100 mihecaan anini, fohetingay tamdaw oyaan: to i mafekotay i kalico’co a syakay i kitakit no Amilika, matiya o malafelay i sera no tireng a masapinang. Anini masaopo kita itini, o nian ko patengil to sakahapinang no ’alomanay a tamdaw.

Oroma a patodong i, anini o milongocay to sapisodsodaw no kitakit ita ko sakatayni. O kalata’angan no mipatirengay to nikapolongan kitakit a kinpo ato micidekay a hapiw a sowal i, oya nipacecayan i kahacecay i finawlan no Amilika. Pacecay cangra to tamdamdaw to sakanga’ay ma’orip, mapakonira ato kacifaloco’ to sakalemed o ’eca ko mamalingangan ko salongoc. Sakiroma a finawlan i, mato caay kalaheci ko nano nisowalan i kitakit no Amilika. Awaay ko sapilahecian to sakatadamaan no demak, o sowal aca to sakifohetingay tamdaw, sacisowal sa i laloma’ “caay ka’edeng ko sasorot” saan a patatiko, o sata’angay a padafongan ko kitakit nao awaay ko ni’osawan. Orasaka anini longocen ita ko sapisodsodaw to misowalan to sapafeli titaanan a sapakonira ato mo’ecel a pa’oripay.

Patapalay kita to kitakit no Amilika ko sakatayni ita itini tona tadamaanay a sera, o makalahayto kita anini. Caayto ko tomerepay ato matayoay ko nihaenan. Anini o sapilaheciaw to nikapolongan sowal. Anini nai mafohokay to’emanay a mipalacidekay to finacadan pasadaken a milacal patayra i masapanahalay ta’engaday a lalan. Imatini o pasayraay i fawahan no Tapang a Kawas ko wawa to fainayan fafahiyan. Imatini o kitakit no mita pa’oripen nai masonolay i caayay kalalen to sakifinacadan, patirengen i ’ongcoy a malali’ay a milikakaay to. Ano satalimaan han no kitakit no Amilika kina kakalahan ato misafaay to faloco’ no fohetingay tamdaw i, anohatini i, saki kitakit no Amilika i, o sakasemer koni. Ano caay karaod i nga’ayay kacanglahan ko mapakoniraay ato sakalalenaw, cirahoday a keter no fohetingay tamdaw caay ko mamalasawad. 1963 mihecaan caay ko paherekan ko sakalalefo, o satapangan koni. Mangalay ko cima tamdaw, ano mafasaw ko keter no fohetingay tamdaw maraheked to saan, ano o nian ko sakarihaday no kitakit no Amilika, a caay ka temitemik, o mamatolas ko tamdaw. Caay pakatafad to salongoc no finawlan ko fahetingay tamdaw, awaayko sarimadac ato sapater sanay no kitakit no Amilika. O ta^ebgad no mo’ecel caayko tatayni, maliyangay a faliyos o pararid mingiyangi to tatenaan no kitakit. Nikawrira sakitala to sakamo^ecel no fawahan o kasararimorimok a tamdaw, ira aca ko sasowalen ako. O sakadopohaw to sakatatodong no rikec i, caay pasayra imoraraway ko sapidemak ita. Aka ka o sakadamso’ to sapakoniraaw a misa’adaay ato mi’intelay i falo^efoay ko pi’owak.

Ano sapilefoaw ita ka o manga’ayay ko kasasowal, masinanotay. Aka ka o mikafolaway ko laloma’ no pico’a’angay ko demak. Pacakaten ita ko ’icel no harateng to sapipacoli to ’icel no sakidafongan.

Imatini syakay no fohetingay tamdaw o tadamaanay a fa^elohay sakalalood, nikawrira aka ka o caayay paso’elinay to fohecalay a tamdaw. Nawhani ’alomanay a fohecalay tamdaw a salikaka o mafana’ayto titaanan, o saki’orip nangra malecaday to no mita a ’orip masasiket, o samikihatiya anini o wacay nangra koni. O malalenay ko sakacipakonira nangra to no mita. Caay ka nga’ay a sacecay han ita ko demak.

Ano dademak to kita i, o tatala’ayaw a romakat kita. Akaa tararikod. Anini ira ko milicayay to cisalongocay a tamdaw, “Ano hakowa a damso’en kamo?” saan.

Ano cimapadesay masemsem ko pikari’ang no imeng to fohetingay tamdaw i, caayko mamadanso’ kita.

Ano katalapapotal a misacikacikay kita a maroray to ko tireng i lawac nalalan a pacarcar ato pacarcar i maci mikilim to kamaro’an, o ca ^ca ko dadanso’.

Ano kadademakan no fohetingay a nai kamaroma no macahiway finacadan malinah tayra i ’alomanay macahiway finacadan, o ca ^ca ko dadanso’.

Ano oyanan to kacaay ka nga’ay no fohetingay tamdaw mikihatiya to singkiw i Misispi, ano i Niwyoko ira ko cecay fohetingay tamdaw awaay ko depoc to pisingkiw ano saan i, o ca ^ca ko dadanso’.

Caay, caay ka dadanso’ kita anini, i ikor to caay ko dadanso’, dengan o mo’ecelay ato caay ko misawilihay matiya o rodis no ’alo, masakakoyol a mimoli.

O mahapinangay to ako, mikihatiyaay to saopo a tamdaw anini, ira ko nai mapadesay ato malafadesay, ira ko nai pirofoan a masadak, ira ko mikilimay to sapakoniraaw, nai kamaro’an a malapades, i pipekpek no imeng a warawarasa. O sakitamdawan ko nikararid namo a mapades. Hadidien ho, sa’imeren ko pipaso’elin, mi’emetan caay ko sapatefoc no nikasemsem koni. Panokayen kita tayra i Misisipi, minokay i Alapama, minokay i Saus Kalolana, mnokay i Ciociya, minokay i Lois Anna, minokay kita i no ’Amisan a maci kamaroma no macahiway finacadan ato roma finacadan, kai faloco’en to, o mahaenay a demak o mamanga’ay a mafalic. Aka ka talahenot isatoras a ^ca to pakadocoh.

Idangaw, pasowal kako anini tisowanan, toni tatokian, talacowa malitemah ita ko ka’em’eman ato matinakoay i, ira ko cecay a pisalemed ako. Oni a misalemedan i o talolongay a lilamit i citiihay a Amilika.

Ira ko misalemedan ako anini. 我今天有一個夢想

Misalemad kako ira ko cecay romi’ad, o tatomireng kina kitakit, o so’elinay milaheciay tonini a so’elinay a rikac, “O hirateng kita awaay to sasowalen toni a papaso’elinen: Malalenay ko sofoc no tamdamdaw.”

Misalemad kako ira ko cecay romi’ad, i kahenganay a lotok no Ciociya, malafadesay a wawa ato palafadesay a wawa malatihi ko aro’, mato malikakaay ko kasasowal.

Misalemad kako ira ko cecay romi’ad, halo i Misisipi lalengawan no mo^ecel, mapaekel a malafali, matiya o i kohekohan a mala cipakoniraay ato cima^ecelay a masafaniyot ko kangdaway.

Misalemad kako ira ko cecay romi’ad, o sasepatay a wawa caay ko nikakoheting nangra, o wayway to katadamaan katanca ko sakaciepoc i ka’oripan nangra.

Misalemad kako ira ko cecay romi’ad, ira ko nikafalic no Alapama, ano masasiromaroma ko nisowalan no kakeridan, caay pihayda to rikec no nipatatekoan a kitakit, nikawrira ira ko cecay romi’ad, itiraay a fainayan ato fafahiyan a wawa no fohetingay ato fainayan tamdaw ato fafahiyan a wawa no fohecalay tamdaw masasi cecayay ko kasadakan, malahakelong micomod masadak.

Misalemad kako ira ko cecay romi’ad, macakat ko co’ed, malokelon ko lotok, kasapikepiked no lalan malanga’ayay a rakaten, mapa’edilay, malikat i hekal.

mapakoniraay to. 自由了

O nian ko nisafaloco’an no mita. O nian ko sapinokay no mako a tayni i timol, o papakayra kita i citirasay a karat a fokeloh mapalalan. Ira ko nia harateng, o kalanangan a rarawrawan no kitakit ita, mafali’ a malecad malakayatay salikaka a nga’ayay tengilen ko ngiha no radiw.

Ira ko nia harateng, malacecayay ko tayal, pitolon, malalefo, marofo, mihadimel to pakoniraan, nawhani kafana’en ita, ira ko cecay romi’ad, o mamapakoniraen kita.

Saka ira ko pakoniraan to a rami’ad, o polong no wawa no Kawas o fa^elohay to ko karomadiw toni “O kitakit ako, ci mapakoniraay nga’ayay niyaro’, romadiw kako i tisowanan. O kapatayan no mato’asay niyaro’ kiso, o kalita’angan no ’ayaway tayni kiso, o wadihang no lotolotok ko kapakonira.”

Ano mala o tadamaanay ko kitakit no Amilika i, lahecien ko ni salemedan. Mapakoniraay a ngiha o nai lotok no Niw Hanposeel a tayni, Mapakoniraay a ngiha o nai lotok no Niw Yoko a tayni haw? Mapakoniraay a ngiha o papakayra i Alekeni a lotok no Pinsifaniya a tayni.

Mapakoniraay a ngiha o papakayra i matahepoay no so^eda i Roaki a lotok no Kolaroto a tayni, Mapakoniraay a ngiha o papakayra i matisilay lotolotok no Kalifoniya a tayni haw? Caay ka dengan onini, o sapakonira a ngiha o papakayraen masakaratay a lotok no Ciociya tayni haw? Mapakoniraay a ngiha o papakayra i pikecoran lotok no Tiennasi ko nikatayni.

Mapakoniraay a ngiha o papakayni i kasacecacecay no taporo no Misisipi a tayni haw? O mapakoniraay a ngiha nai kasacecaceay no lotok a tayni.

Tona mahoni ko ngiha no pakoniraay, o nai kasacecay no niyaro’, kasacecay no nipatatekoan a kitakit ato tokay a mahoni i, itiya, o wawa no Kawas, fohetingay ato fohecalay tamdaw, Yotayakiw ato caay ko Yotayakiw, Kiristokiw ato Tingsokiw, o mamalakayat ko kamay, malacecay romadiw to radiw no fohetingay tamdaw, “Mikalakomodan mapakonira to, mikalakomodan mapakonira to, miahowid to ci’icelay Kawas, mikalakomodan niyam mapakoniraay to.”