Cantón d'Herzegovina-Neretva

	Cantón d'Herzegovina-Neretva; Hercegovačko-neretvanski kanton; Hercegovačko-neretvanska županija; Херцеговачко-неретвански кантон
	Cantón d'a Federación de Bosnia y Herzegovina
Bandera	Escudo
Entidat; • Estato; • Entidat	Cantón; Bosnia y Herzegovina; Federación de Bosnia y Herzegovina
Capital	Mostar
Subdivisions	12 municipios
Superficie; • Total	; 4 401 km²
Población; • Total (2013)	; 236 278 hab. ;
ISO 3166-2	BA-07
Etnia mayoritaria	croata y bosnia
ISO 3166-2	BA-07
	; Localización d'o cantón d'Herzegovina-Neretva
	Pachina web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cantón de Bosnia Central (en bosnio Hercegovačko-neretvanski kanton, en croata Hercegovačko-neretvanska županija, en serbio Херцеговачко-неретвански кантон) ye un d'os 10 cantons en que se divide a Federación de Bosnia y Herzegovina, en Bosnia y Herzegovina. Ye situau en o sud d'o país y ye formau mas que mas por a zona d'a val d'o río Neretva y zonas d'Herzegovina a l'ueste de Mostar, o suyo centro administrativo. O cantón tien una superficie de 4.401 km²^[1] y teneba una población de 225.930 personas en 2009.^[2]

Cheografía y caracteristicas

O cantón ye l'unico de Bosnia y Herzegovina con acceso a la mar, a traviés d'o municipio de Neum. Neum ye una población de 2.000 habitants (seguntes o censo de 1991) y a suya redolada ye rica en historia y restas arqueolochicas d'orichen ilirio. Os ilirios estioron un pueblo que habitó os Balcans mientres mils d'anyos.

A ciudat mas gran d'o cantón y a cinquena de tot o país ye Mostar, famosa por o suyo puent Stari Most y a ciudat antiga, amán d'o puent. O puent fue reconstruyiu en o verano de 2004, dimpués d'estar totalment destruyiu por fuerzas croatas mientres a guerra de Bosnia. A la ceremonia d'inauguración asistioron cuantos delegaus foranos entre éls Stjepan Mesić, president de Croacia. Mostar ye situada a cantos d'o río Neretva y ye habitada por mayoría de croatas y bosnios.

Atras ciudaz famosas d'iste cantón son Čapljina, Konjic, Jablanica y o mundialment famoso Santuario de Medjugorje. Jablanica y Konjic son famosas por as batallas mientres a Segunda Guerra Mundial y bi ha un gran museu en Jablanica dedicau a istas batallas.

O río Neretva pasa por as ciudaz de Konjic, Jablanica, Mostar y Čapljina antis de fluyir a traviés de Croacia enta a mar Hadriana. Tamién bi ha grans lacos en o cantón, como o laco Jablanica arredol d'a ciudat homonima. O municipio mas meridional d'o cantón ye o de Neum, chunto a la mar Hadriana y o mas oriental ye o de Ravno, a o largo d'a muga con Croacia.

Organización administrativa

Administrativament, o cantón de Herzegovina-Neretva se divide en 9 municipios:

Municipio	Superficie km²	Población (2013)	Etnia mayoritaria
Čapljina	256	28.122	croata
Čitluk	181	18.552	croata
Jablanica	301	10.111	Bosnia
Konjic	1.169	26.381	Bosnia
Mostar (capital)	1.175	113.169	Mixta
Neum	225	4.960	croata
Prozor-Rama	477	14.280	croata
Ravno	286	3.328	croata
Stolac	331	14.889	croata

Grupos etnicos

Étnicament, o cantón ye dividiu y ye una sociedat mixta de población bosnia y croata a diferencia d'atros cantons en os que cuasi bi ha una etnia unica.

Os croatas son mayoría en os municipios de Čapljina, Čitluk, Neum, Prozor-Rama, Ravno y Stolac. Os bosnios constituyen mayoría en os municipios de Jablanica y Konjic. O municipio de Mostar, en a parti central d'o cantón, ye en gran mida una mezcla de bosnios y croatas.

En 2003, a población d'o Cantón d'Herzegovina-Neretva yera de 219.223 habitants, dividius en:

croata: 110.714 (50,5%)
Bosnios: 102.019 (46,5%)
Serbios: 5.486 (2,5%)
Atros: 1.004 (0,5%)

Seguntes o censo de 2013, a población d'o Cantón d'Herzegovina-Neretva yera de 222.007 habitants, dividius en:

croata: (53,29%)
Bosnios: (41,44%)
Serbios: (2,90%)

Se veiga tamién

Referencias

↑ (en) Bosnia and Herzegovina. General Information. geohive.com
↑ (br) Estimación d'a población d'a Federación de Bosnia y Herzegovina. Bosnia y Herzegovina - Oficina Federal de Estatistica

Vinclos externos

Se veigan as imáchens de Commons sobre o cantón d'Herzegovina-Neretva.
(br) Pachina web oficial.

Cantons d'a Federación de Bosnia y Herzegovina
Bosnia Central \| Herzeg-Bosnia \| Herzegovina-Neretva \| Herzegovina Occidental \| Tuzla \| Una-Sana \| Podrinje Bosnio \| Posavina \| Sarajevo \| Zenica-Doboj

Datos: Q18273
Multimedia: Herzegovina-Neretva Canton / Q18273

[geohive-1] (en) Bosnia and Herzegovina. General Information. geohive.com

[poblacion_2009-2] (br) Estimación d'a población d'a Federación de Bosnia y Herzegovina. Bosnia y Herzegovina - Oficina Federal de Estatistica

[1]

[2]