Star Wars Episode IV: A New Hope
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Star Wars Episode IV: A New Hope | |
|---|---|
| Títol | Star Wars: La Guerra de las Galaxias'' |
| |
| Ficha tecnica | |
| Dirección | George Lucas |
| Producción | Michael Deeley |
| Guión | George Lucas |
| Musica | John Williams |
| Fotografía | Gilbert Taylor |
| Montache | Paul Hirsch Richard Chew Marcia Lucas |
| Escenografía | John Barry |
| Vestuario | John Mollo |
| Efectos especials | Industrial Light & Magic |
| Actors | Mark Hamill Harrison Ford Carrie Fisher Alec Guinness David Prowse Peter Mayhew Anthony Daniels Kenny Baker Peter Cushing |
| Datos y cifras | |
| País(es) | Estaus Unius |
| Anyo | 1977 |
| Chenero(s) | Cine de ciencia-ficción |
| Durada | 121 min. |
| Idioma(s) | Anglés |
| Companyías | |
| Productora(s) | Lucasfilm |
| Distribución | 20th Century Fox |
| Presupuesto | 11.000.000 de dólars |
| Succesión de cintas | |
| Succedida por | Star Wars Episode V: The Empire Strikes Back |
| Informacions en bases de datos especializadas: | |
           
| |
Star Wars Episode IV: A New Hope (títol orichinal en anglés, enguerada en Aragón como Star Wars: La Guerra de las Galaxias) ye una cinta estausunidense de cine de ciencia-ficción de l'anyo 1977, dirichita por George Lucas seguntes un guión de mismo, con una dirección de fotografía de Gilbert Taylor y una banda sonora de John Williams.[1] Producita por Michael Deeley ta Lucasfilm, en o suyo reparto incluye a destacatos actors como Mark Hamill, Harrison Ford, Carrie Fisher y Alec Guinness.
A cinta s'estrenó o 25 de mayo de 1977 en Estaus Unius, convertindo-se en una d'as cintas de culto de cuantas cheneracions. Iste film de ciencia ficción suposó a consagración d'o suyo director, George Lucas, y ha estau influencia y un referent ta creyadors de cine, televisión, novelas, chuegos y videochuegos.
Ye a primera entrega d' a trilochía orichinal de Star Wars, a primera d' a franquicia que se producirá y o cuatreno episodio d' a "saga Skywalker".
Lucas tenió l'ideya d' una cinta de ciencia ficción en a linia de Flash Gordon cuan remató a suya primera cinta, THX 1138 (1971) y prencipió a treballar en un tractamiento dimpués d'o lanzamiento d' American Graffiti (1973). Star Wars se centra en o viache de Luke Skywalker (Hamill), qui de conchunta con o Mayestro Jedi Obi-Wan Kenobi (Guinness), o contrabandista Han Solo (Ford) y o suyo companyero wookiee Chewbacca (Mayhew), intenta liberar a la Prencipesa Leia Organa (Fisher) d'as zarpas d'o tiranico Imperio Galactico. A lo mesmo tiempo, os herois intentan entregar os planos de l'estación espacial destructora de planetas de l'Imperio, a clamada Estrela d'a Muerte, que son transportaus por os droides R2-D2 (Baker) y C-3PO (Daniels), a l'Alianza Rebelde, mientres enfrontinan l'oposición d'o Lord Sith Darth Vader.
Dimpués d' una producción barucosa, Star Wars s'engueró en un numero limitau de cines en os Estaus Unius o 25 de mayo de 1977 y rapidament se convirtió en un exito de taquilla, lo que levó a la suya expansión en un lanzamiento muito mas amplo. A cinta s'ubrió con elochios d' a critica, sobre tot por os suyos innovadors efectos visuals. Replegó un total de $ 775 millons, superando a Jaws (1975) pa convertir-se en a cinta mas taquillera en ixe inte dica o lanzamiento d'E.T. the Extra-Terrestrial (1982). Cuan s'achusta a l'inflación, Star Wars ye a segunda cinta mas taquillera d' America d'o Norte (dezaga de Gone with the Wind) y a cuatrena cinta mas taquillera d'o mundo. Recibió diez nominacions a lo Premio Oscar (incluida Millor Cinta), ganando siet. En 1989, se convirtió en una d'as primeras 25 cintas que estió seleccionada por a Biblioteca d'o Congreso d'os Estaus Unius pa a suya conservación en o Rechistro Nacional de Cintas por estar "cultural, historica u esteticament significativa". En ixe inte, yera a cinta mas recient en o rechistro y l' unica trigada d' a decenio de 1970. En 2004, a suya banda sonora s' adhibió a lo Rechistro Nacional de Gravacions d'Estaus Unius y, amás, l'American Film Institute l'incluyó como a millor banda sonora de toz os tiempos un anyo dimpués. Hue en día, muitos en l'industria cinematografica la consideran una d'as cintas mas grans y importants de l'historia d'o cine.
A cinta ha estau reeditada cuantas vegadas con o refirme de Lucas, lo mas significativo con a suya "Edición especial" teatral d'o vinteno cabo d'anyo, incorporando muitos cambeos que incluyen efectos cheneraus por ordinador modificaus, dialogos alteraus, tomas reeditadas, bandas sonoras remezcladas y escenas adhibidas. A cinta se convirtió en un fenomeno d'a cultura pop y lanzó una industria de productos vinculaus, que incluyen novelas, cómics, videochuegos, atraccions de parques de diversions y productos que incluyen chuguez, chuegos, ropa y muitas atras obras derivadas. L'exito d' a cinta levó a dos secuelas d'exito comercial y critico, Star Wars Episode V: The Empire Strikes Back (1980) y Star Wars Episode VI: Return Of The Jedi (1983).
Reparto
[editar | modificar o codigo]- Mark Hamill, en o papel de Luke Skywalker
- Harrison Ford, en o papel de Han Solo.
- Carrie Fisher, en o papel de Prencipesa Leia.
- Alec Guinness, en o papel de Obi-Wan Kenobi.
- David Prowse, en o papel de Darth Vader (voz de James Earl Jones).
- Peter Mayhew, en o papel de Chewbacca.
- Anthony Daniels, en o papel de C3PO.
- Kenny Baker, en o papel de R2-D2.
- Peter Cushing, en o papel de Wilhuff Tarkin.
- Phil Brown, en o papel de Owen Lars.
- Shelagh Fraser, en o papel de Beru Whitesun.
Argumento
[editar | modificar o codigo]Enmeyo d' una guerra civil galactica, os espías de l'Alianza Rebelde han robado os planos d'a Estrela d'a Muerte de l' Imperio Galactico, una enorme estación espacial capable de destruir una planeta entera. A senadora imperial Prencipesa Leia d'Alderaan, secretament una d'as liders d'a Rebelión, ha obteniu os suyos esquemas, pero a suya nau estelar ye interceptada por un Destructor Estelar Imperial baixo o mando d'o despiedau Darth Vader. Antis d' estar capturada, Leia amaga os planos en a memoria d'o droide R2-D2, qui fuye en una capsula d'escape a la planeta desertica Tatooine acompanyau por o droide de protocolo C-3PO.
Os droides son capturaus por comerciants jawa, que os venden a os granchers Owen y Beru Lars y su sobrino Luke Skywalker. Mientras escosca R2-D2, Luke activa accidentalment parti d' una gravación holografica de Leia, en a cual solicita aduya a Obi-Wan Kenobi. Mas tardi, dimpués de que Luke troba a R2-D2 desapareixiu, ye atacau por Tuskens entre que lo buscaba, manimenos ye rescatau por o viello santero "Old Ben" Kenobi, un conoixiu de Luke, qui revela que "Obi-Wan" ye o suyo verdadero nombre. Obi-Wan le conta a Luke d'os suyos días como uno d' os Caballers Jedi, os antigos pacificadors d'a Republica Galactica que obtenioron habilidaz misticas d'un campo d'enerchía metafisica conoixiu como a Fuerza, pero finalment estioron encorrius dica cuasi a suya extinción por l'Imperio. Luke s'entera que su pai luitó chunto a Obi-Wan como un Caballero Jedi mientres as Guerras Clon dica que Vader, l'antigo alumno d'Obi-Wan, se tornó ent'o costau fosco d'a Fuerza y l'asasinó. Obi-Wan le presenta a Luke o viello sabre de luz de su pai, l'arma caracteristica d' os Caballers Jedi.
R2-D2 reproduz o mensache completo de Leia, en o cual le ruega a Obi-Wan que leve os planos d'a Estrela d'a Muerte a la suya planeta natal d'Alderaan y se los dé a su pai, un companyero veterano, pa que los analice. Encara que Luke inicialment refusa l'ofierta d'Obi-Wan d'acompanyar-lo ent'Alderaan y aprender os camins d'a Fuerza, no le queda unatra opción dimpués de descubrir que os soldaus d'asalto imperials han matau a su tía y su tío y destruiu a suya grancha en a suya busca d'os droides. En viachar enta una tabierna en Mos Eisley pa buscar transporte, Luke y Obi-Wan logan a Han Solo, un contrabandista con un pre per o suyo tozuelo a causa d'a suya deuda con o mafioso local Jabba. Acazaus por soldaus d'asalto, Obi-Wan, Luke, R2-D2 y C-3PO fuyen de Tatooine con Han y o suyo copiloto wookiee Chewbacca en a suya nau Millennium Falcon. Cuan alcanzan l'orbita d'a planeta, dos Destructors Estelars intentan interceptar-los, manimenos Han puede blincar a l'hiperespacio aconseguindo a velocidat d'a luz.
Antis que o Millennium Falcon pueda arribar enta Alderaan, o comandant d'a Estrela d'a Muerte, o Gran Moff Tarkin, interroga a Leia sobre l'ubicación d'a base secreta d' os Rebels, con a menaza de destruir a suya planeta natal, y cuan ella responde que a base ye en Dantooine, ordena que Alderaan sía destruida simplament como demostración de fuerza. Cuan o grupo plega a lo campo d'asteroides que agora ocupa o puesto d'alderaan, Han veye un caza imperial TIE y se mofla d'él pa que l'encorra y l'espalde, permitiendo que o Millennium Falcon sía capturau por o rayo tractor d'a estación espacial. Adintro d'a Estrela d'a Muerte, Obi-Wan intenta desactivar o rayo tractor, y Luke persuade a Han y Chewbacca pa que l'aduyen a rescatar a Leia dimpués de descubrir que ye programada pa estar executada. Dimpués de desactivar o rayo tractor, Obi-Wan sacrifica a suya vida en un duelo con sabres de luz con Vader, permitindo que a resta d'o grupo escape d'a Estrela d'a Muerte con Leia. Usando un dispositivo de rastreyo, l'Imperio rastrea a lo Millennium Falcon dica a base rebel amagada, en realidat ubicada en Yavin IV.
Os esquemas de Leia revelan una debilidat amagada en o puerto d'escape termico d'a Estrela d'a Muerte, que podría permeter a los rebeldes desencadenar una reacción en cadena en o suyo reactor prencipal con un tiro de torpedo preciso. Mientras Han abandona a os rebeldes dimpués de cobrar a suya recompensa por rescatar a Leia, Luke s'une a lo suyo escuadrón de cazas estelars en un ataque desasperau contra a Estrela d'a Muerte que s'arrima. En a batalla que sigue, os rebeldes sufren grans perdas cuan Vader lidera un escuadrón de cazas TIE contra éls, pero Han torna inasperadament pa aduyar-los en o Millennium Falcon, aconseguindo salvar a Luke por una mica antis de que Vader pueda espaldar-lo. Guiau por a voz incorporia de l'esprito d'Obi-Wan, Luke amorta o suyo ordinador de navegación y usa a Fuerza pa apuntar os suyos torpedos ent'o puerto d'escape, destruindo a Estrela d'a Muerte intes antis de que dispare contra a base rebelde. En una ceremonia triunfal en ixa mesma base, Leia entrega medallas a Luke y Han por o suyo heroísmo.
Se veiga tamién
[editar | modificar o codigo]Referencias
[editar | modificar o codigo]- ↑ (de) Steven Jay Schneider:101 Cience Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.193
Vinclos externos
[editar | modificar o codigo]
Se veigan as imáchens de Commons sobre Star Wars.- (en) Pachina web oficial de Star Wars Episode IV: A New Hope.
- (en) Star Wars Episode IV: A New Hope en IMDb.
- (en) wars/ Star Wars Episode IV: A New Hope en Rotten Tomatoes.
- (en) Star Wars Episode IV: A New Hope en Metacritic.
- (en) Star Wars Episode IV: A New Hope en Box Office Mojo.
| Control d'autoridaz |
|
|---|
Datos: Q17738- Multimedia: Star Wars: Episode IV – A New Hope / Q17738
- Cintas por títol
- Cintas de 1977
- Cintas con banda sonora orichinal de John Williams
- Cintas con dirección de fotografía de Gilbert Taylor
- Cintas con guión de George Lucas
- Cintas con montache de Marcia Lucas
- Cintas con montache de Paul Hirsch
- Cintas con montache de Richard Chew
- Cintas d'Estaus Unius
- Cintas de cine de ciencia-ficción
- Cintas dirichidas por George Lucas
- Cintas en anglés
- Cintas interpretadas por Alec Guinness
- Cintas interpretadas por Anthony Daniels
- Cintas interpretadas por Carrie Fisher
- Cintas interpretadas por David Prowse
- Cintas interpretadas por Harrison Ford
- Cintas interpretadas por Mark Hamill
- Cintas interpretadas por Peter Baker
- Cintas interpretadas por Peter Mayhew
- Cintas producidas por Michael Deeley
- Star Wars