Tbilisi

	Tbilisi; თბილისი
	Localidat de Cheorchia
	; Anvista de Tbilisi con a seu de Sameba.
Estau; • Municipio	Cheorchia; Tiblisi
Superficie	726 km²
Población; • Total	; 1118035 hab. (2014)
Altaria; • Meyana	; 575 m.
Codigo postal	0100–0199
Ríos	Río Mt'kvari
Coordenadas	41°43’21’’N44°47’33’’E
	Tbilisi Tbilisi en Cheorchia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tbilisi u Tblisi (თბილისი en cheorchiano y oficialment, Tiflis en persa), ye una ciudat cheorchiana, que ye a capital d'o país y temién en ye a ciudat con mayor numero d'habitants, a mas d'o suyo prencipal centro politico, cultural, comercial y economico.

A suya población ye d'1.480.000 habitants en una superficie de 726 km², con una densidat de población de 2.038,60 hab/km².

A ciudat ye trescruzata por o río Mt'kvari y se troba situata a 575 metros d'altaria sobre o livel d'a mar.

Etimolochía

Lo nombre Tbilisi deriva d'o Idioma cheorchiano antigo Tbilisi (Asomtavruli: ႧႡႨႪႨႱႨ, Mkhedruli: თბილისი), y mas luen de tpili (Georgiano moderno: თბილი, calido, él mesmo d'o georgiano antigo: ႲႴႨႪႨ ṭpili). Lo nombre Tbilisi significa puesto de calor y se dió pus a la ciudat a causa d'as numerosas auguas termals sulfuricas d'a zona.

Parla

Lo chiorchiano ye la luenga prencipal d'a ciudat y la luenga materna d'a mayoría d'a población anque gran parte d'a suya población tamién charra ruso.

Historia

Enta l'anyo 1800, cuan se produciba a conquiesta rusa a población de Tbilisi yera formata por cheorchianos, armenios, persas y kurdos principalment y bien chusto si pasaba d'os 20.000 habitants. En o sieglo XIX plegó muita inmigración armenia y rusa convertindo-se en una capital local por estar a seu d'o virrei que teneba l'Imperio Ruso en a zona. Tbilisi yera una ciudat predominantment armenia y rusa y a suya población armenia yera tan lumerosa que l'alcalde de Tbilisi enantes d'a primera Guerra Mundial yera armenio. Manimenos cuan se desfació a Republica de Transcaucasia y os armenios y cheorchianos entroron en conflicto por as suyas mugas territorials, a mayoría d'os armenios en fuyoron en 1918. Encara en 1989, os armenios yeran o 12 % d'a población y os rusos un 10% debant d'una población mayoritariament cheorchiana.

Patrimonio arquitectonico

Los suyos prencipals edificios turisticos son la seu de Sameba, la plaza d'a Libertat, la seu de Sioni, la Ilesia de Meteji, Narikala, lo Parlamento de Cheorchia, l'avenida Rustaveli, lo Teatro d'a Ópera y Ballet, la Basílica de Anchisjati y la ilesia de Kashveti, amán d'a cuala se troban lo Museo Nacional de Cheorchia, lo Museo Historico y numerosas galerías d'arte.