سفيان لبقالي
سفيان لبقالي
| ||
| ||
| معلومات عامة | ||
| زيادة | 7 يناير 1996 (29 عام) فاس | |
| لجنسية | لمغريب | |
| لحرفة | جراي(ة) د لمسافات لمتوسطة، عداء موانع و عداء | |
| لّوغات لي كيعرف | الداريجة لمغريبية | |
| لكاريير ديال الشخص | ||
| شارك ف | ||
| رياضة | ||
| رياضة | أطليتيزم | |
| تخصص | 3000 متر موانع 3000 ميطرو 1500 ميطرو | |
| لجنسية رّياضية | لمغريب | |
| لجوايز |
| |
    
| ||
سفيان لبقالي، تولد ف 7 يناير 1996 ف فاس، هو جراي مغريبي د لمسافات لمتوسطة، متخصص ف 3000 ميترو موانع.
تولد ف فاس وسط من عائلة متواضعة، لبقالي بدا يبان ف لفرع د ألعاب القوى د لفرقة د فاس كاونتري كلوب ف واحد لحملة د تنقيب كبيرة دارتها لفرقة خصوصا ل 3600 تلميد د لحي شّعبي لمرجة.[1]
دخل رّابع ف لبوطولة د لعالام د شباب 2014، لبقالي شارك ف نفس لعام ف أول بوطولة ليه معا لكبار ف بوطولة إفريقيا لي جا فيها لعاشر.
ف 2016، كان على بونت باش يطلع ل پوديوم د لعاب لؤلمپية د ريو لي جا فيها رابع د 3000 ميترو موانع، ولاكين حقق راقم قياسي شخصي جديد ف 8 دقايق 14 تانية 35 جزء د لمية.[2]
ف 8 يونيو 2017، تكلاصا سفيان تاني ف لملتقا د روما، بعد من لبطل لؤلمپي لكيني كونسيسلوس كيپروتو، ؤ حسن راقم لقياسي ديالو ديالو ب تقريبان تسعود د تواني، ملي دار 8 دقايق 5 تانية 17 ݣزو د لمية.[3] ف 16 يوليوز 2017، ف لملتقا د لعصبة لماسية ف رباط، ربح لبقالي قدام لجمهور ديالو لكيني كيپروتو، ؤ هبّط لوقت ديالو ل 8 دقايق 5 تانية 12 ݣزو د لمية.[4]
ف لبوطولة د لعالام ف لندن، جا تاني ف 3000 ميترو موانع ب توقيت 8 دقايق 14 تانية 49 ݣزو د لمية، ؤ ربحو لكيني كونسيسلوس كيپروتو. موراها ب شهر، ف لملتقا د لعصبة لماسية ف بروكسيل عاود حسن توقيت ديالو ملي دار 8 دقايق 4 تواني 83 ݣزو د لمية.
ف 2018، ربح لميدالية دهبية ف لّعابي لمتوسطية ف طاراݣونا (صبانيا)، ؤ ربح لميدالية لفضية ف لبوطولة د إفريقيا، عاوتاني هاد لمرة فايتو كونسيسلوس كيپروتو.
ف 20 يوليوز 2018، ف لملتقا هيركوليس د موناكو هبط لبقالي أول مرة ف لكاريير ديالو تحت من 8 دقايق، مورما ربح سيباق ف 7 دقايق 58 تانية 15 ݣزو د لمية[5][6]، هادشي لي خلاه يولي أسرع عاشر جراي د هاد لمسافة.
ف 2019، تكلاصا سفيان لبقالي تالت ف لعاب لإفريقية ف رباط، قدامو لكيني بينجامان كيݣن ؤ لإتيوپي جيطنيط والي.
ف لبوطولة د لعالام د دوحة، كان من بين لي مرشحين باش يربحو، والاكين ف لخر خدا لميدالية نحاسية ف 8 دقايق 3 تواني 76 ݣزو د لمية، لي كان هو أحسن توقيت ديالو ف لعام، ؤ فاتو لكيني كونسيسلوس كيپروتو ؤ لإتيوپي لاميشا جيرما.
ف 10 يونيو 2021، دار لبقالي أحسن توقيت عالامي د لعام ف لعصبة لماسية ف روما، ملي دار 8 دقايق 8 تواني 54 ݣزو د لمية.[7]
ف غشت 2021، ف لعاب لؤلمپية د طوكيو، ربح أول ميدالية ؤلمپية ديالو ب توقيت 8 دقايق 8 تانية 90 ݣزو د لمية، مورما فات لإتيوپي لاميشا جيرما ؤ لكيني بينجامان كيݣن ف 200 ميترو لخرة. ب هاد ربح، ولا لبقالي أول جراي ماشي كيني لي كيربح ف هاد لمسافة، من لپولوني برونيسلاڤ مالينوڤسكي ف موسكو ف 1980.[8]
لبقالي ولا لمغريبي سات لي كيكون بطل ؤلمپي ف جرا، مورا هشام لݣروج لي ربح ف 1500 ميطرو ؤ 5000 ميطرو ف 2004.
ف 18 شتنبر 2021، عاود ربح لكينيين ف تخصص ديالهم ؤ ف بلادهم مورما جا لول ف لمتلقا د كيپ كينو كلاسيك لي تلعب ف نايروبي ب توقيت 8 دقايق 21 تانية 20 ݣزو د لمية.[9]
ف 18 يوليوز 2022، ولا بطل لعالام مورما ربح لميدالية دّهبية ف لبوطولة د لعالام ف ؤجين ب توقيت 8 دقايق 25 تانية 13ݣزو د لمية، فايت لإتيوپي لاميشا جيرما ؤ لكيني كونسيسلوس كيپروتو.[10]
ف 7 غشت 2024، ف ؤلمپياد باريز، دافع لبقالي على لميدالية ديالو ف 3000 ميطرو موانع، مورما ربح ب توقيت 8:06.05. فات لميريكاني كينيت روكس ف لكولوار لخراني، مورما كان سابقو ف دورة لخرة.[11]
| تخصص | توقيت | بلاصة | تاريخ |
|---|---|---|---|
| 1500 ميطرو | 3 دق 31 ت 95 | دوحة | 28 ماي 2021 |
| 3000 ميطرو موانع | 7 دق 56 ت 68 | رباط | 28 ماي 2023 |
- ^ Thibault Bluy (25 غشت 2017). "Rencontre : Soufiane El Bakkali, d'El Merja au podium mondial". طيل كيل (ب لفرانساوية). مأرشيڤي من لأصل ف 2019-01-26. تطّالع عليه ب تاريخ 2021-08-02.
- ^ "Pas de médaille pour le Maroc dans l'épreuve de 3.000 m steeple". lematin.ma (ب لفرانساوية). 17 غشت 2016. مأرشيڤي من لأصل ف 2018-06-28. تطّالع عليه ب تاريخ 2021-08-02.
- ^ Abderrahman El Maleh (9 يونيو 2017). "Soufiane El Bakkali: Deuxième performance mondiale de l'année". perspectivesmed.ma (ب لفرانساوية). مأرشيڤي من لأصل ف 2017-09-09. تطّالع عليه ب تاريخ 2021-08-02.
- ^ "Le Marocain Soufiane El Bakkali remporte le 3000 m steeple de Rabat". lequipe.fr (ب لفرانساوية). 16 يوليوز 2017. مأرشيڤي من لأصل ف 2021-08-02. تطّالع عليه ب تاريخ 2021-08-02.
- ^ "Soufiane El Bakkali bat la MPM sur 3000m steeple à Monaco". lequipe.fr (ب لفرانساوية). 20 يوليوز 2018. مأرشيڤي من لأصل ف 2021-08-03. تطّالع عليه ب تاريخ 2021-08-02.
- ^ Mike Rowbottom (20 يوليوز 2018). "IAAF: Chepkoech breaks steeplechase world record in Monaco". iaaf.org (ب نڭليزية). مأرشيڤي من لأصل ف 2019-10-18. تطّالع عليه ب تاريخ 2021-08-02.
- ^ "Meilleure performance mondiale de l'année en Diamond League" (PDF). مأرشيڤي (PDF) من لأصل ف 2023-01-08. تطّالع عليه ب تاريخ 2021-08-02.
- ^ R. Do. (2 غشت 2021). "Soufiane El Bakkali intouchable sur le 3 000 m steeple". lequipe.fr (ب لفرانساوية). مأرشيڤي من لأصل ف 2022-10-04. تطّالع عليه ب تاريخ 2021-08-02.
- ^ Sabuni Khwa Sabuni (18 شتنبر 2021). "Incredible Krop and El Bakkali shine at Kip Keino Classic". dailysport.co.ke (ب نڭليزية). مأرشيڤي من لأصل ف 2022-08-09. تطّالع عليه ب تاريخ 2021-09-18.
- ^ Do.، R. (2022-07-19). "Soufiane El Bakkali titré sur le steeple, Mehdi Belhadj 13e". ليكيپ (ب لفرانساوية). مأرشيڤي من لأصل ف 2022-09-28. تطّالع عليه ب تاريخ 2022-07-19.
- ^ "PARIS 2024 ATHLETICS: MOROCCO'S SOUFIANE EL BAKKALI WINS HISTORIC SECOND STRAIGHT OLYMPIC GOLD IN MEN'S 3,000M STEEPLECHASE".
|
تقدر تزيد شوف بزاف د تّصاور و لمعلومات ديال Soufiane El Bakkali ف ويكيميديا كومنز. |