Scolopax rusticola

Scolopax rusticola arcea
Estáu de caltenimientu
Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Charadriiformes
Familia:	Scolopacidae
Xéneru:	Scolopax
Especie:	S. rusticola (Linnaeus, 1758)
Distribución
Consultes
[editar datos en Wikidata]

Scolopax rusticola rusticola

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. L'arcea (Scolopax rusticola) ye una especie d'ave limícola de la familia Scolopacidae.

Descripción

Ye de tamañu mediu, bazcuyando'l so llargor ente los 30 y los 36 centímetros, y el pesu ente los 300 y los 350 gramos. Presenta un picu fino y llargo, col que prinda les sos preses. El so plumaxe, gracies al cual camúflase perfectamente nel mediu, ye d'un tonu pardu acoloratáu bien crípticu, y ta enllordiáu de tonos pardos, ocres y negros.

Distribución y hábitat

Estiéndese dende les Azores y Canaries hasta les mariñes del Pacíficu, en climes templaos y boreales d'Europa y Asia. Envierna na cuenca mediterránea y otros países como Irán, Afganistán, Tailandia, Laos, Vietnam, Myanmar, estremos norte y sur de la India, y el sureste de China.

Habita nos montes, tantu de frondosas como de coníferes, onde pasa'l día escondida. Cuando ta en pasu o d'ivernada baxa hasta los encinares, deveses, y zones de monte baxu.

Comportamientu

De vezos puramente crepusculares, al anochecer sale a alimentase a les güelgues, principalmente de lombriz que prinda fundiendo la so llongura y finu picu na tierra, pero tamién come inseutos, miriápodos, pequeños limacos y cascoxos.

Enllaces esternos

• Wikimedia Commons tien conteníu multimedia tocante a Scolopax rusticola.

• Ficha de la especie (PDF), por Javier Blasco-Zumeta & Gerd-Michael Heinze

• Datos: Q26114
• Multimedia: Scolopax rusticola
• Especies: Scolopax rusticola