Füzuli Məmmədov (futbolçu)

Füzuli Məmmədov
Ümumi məlumatlar
Tam adı	Füzuli Nurəddin oğlu Məmmədov
Doğum tarixi	8 sentyabr 1977(1977-09-08) (47 yaş)
Doğum yeri	Uluxanlı, Zəngibasar rayonu, Ermənistan SSR, SSRİ
Vətəndaşlığı	Azərbaycan
Boyu	170 sm
Çəkisi	76 kq
Mövqeyi	müdafiəçi
Karyerası
Klub karyerası 1993 Azneftyağ 13 (0) 1993–1996 Neftçi Bakı 18 (1) 1996–1997 Prikarpatye 5 (0) 1997–1998 Neftçi Bakı 7 (1) 1998–1999 OİK Bakı 20 (1) 1999–2000 Ans Pivani Bakı 16 (1) 2000 Turan Tovuz 2 (0) 2002–2004 Maşın Sazi Təbriz 52 (1) 2004–2010 Xəzər-Lənkəran 98 (0) 2010 Simurq 10 (0) 2010 Olimpik Bakı 5 (0) 2011 Karvan 12 (0) 2012 Neftçala 3 (0) 2013 Karvan 9 (1) Milli yığma 1998–2003 Azərbaycan 9 (0) Məşqçisi olduğu klublar 2013–2015 Rəvan 2015–2016 Zirə 2016–2017 İnter Bakı 2017–2018 Səbail 2018–2020 Neftçi Bakı
Vikianbarda əlaqəli mediafayllar

Füzuli Nurəddin oğlu Məmmədov (8 sentyabr 1977, Uluxanlı) — azərbaycanlı futbol mütəxəssisi. UEFA-nın "A" kateqoriyalı məşqçisidir. "Neftçi PFK" nın keçmiş baş məşqçisi

Bioqrafiyası

Məmmədov Füzuli Nurəddin oğlu 1977-ci il sentyabr ayının 8-də Qərbi Azərbaycanın Masis rayonunda dünyaya gəlib. 2-ci sinifdə oxuyarkən, 1984-cü ildə ailəsi ilə birlikdə Bakıya köçüb və təhsilini 96 saylı orta məktəbdə davam etdirib. Futbolla uşaq yaşlarında, Kazbek Tuayevin futbol məktəbində, Valeri Nikiforovun başçılığı altında məşğul olmağa başlayıb.

Azərbaycan Dövlət Bədən Tərbiyəsi və İdman Akademiyasının "İdman oyunları" fakültəsinin məzunudur. Evlidir, üç ovladı — iki oğlu və bir qızı var. Qardaşı Xəqani Məmmədov da Azərbaycanın tanınmış futbol simalarındandır. Milli komandamızın sabiq hücumçusudur. Hal-hazırda da məşqçilik fəaliyyəti ilə məşğuldur. UEFA-nın "A" kateqoriyalı məşqçisidir.

Məşqçi karyerası

Məşqçilik karyerasına 2013-cü ildə "Rəvan" komandasında başlayıb. İlk öncə 6 ay ərzində 11 yaşlılar qrupuna başçılıq edib. Daha sonra 19 yaşlılar qrupunda məşqçi, bir müddət sonra isə komandanın əsas heyətinə baş məşqçinin köməkçisi vəzifəsinə təyin edilib. 2014-cü ildə Füzuli Məmmədovun rəhbərlik etdiyi U-19 komandası Azərbaycan çempionatında qalib gələrək, UEFA-nın Çempionalr Liqasında iştirak edib.

2015-ci ildə "Zirə" komandasına keçib. Füzuli Məmmədovun rəhbərliyi altında U-19 komandası ölkə çempionatının gümüş medallarını qazanıb. 2016-cı ildə Bakının "İnter" komandasının U-17, 2017-ci ildə isə "Səbail" komandasının eyni yaş qrupunun baş məqşçisi vəzifəsində çalışıb. "Səbail"ə başçılıq etdiyi müddət ərzində komanda Azərbaycan çempionatının gümüş medallarını qazanıb.

2018-ci ildən etibarən "Neftçi" komandasında baş məşqçinin birinci köməkçisi vəzifəsində çalışır.

Uğurları

"Neftçi" PFK-nın heyətində

• 1993 — Yüksək Liqanın bürünc mükafatçısı
• 1994/95 — Yüksək Liqanın bürünc mükafatçısı
• 1994/95 — Azərbaycan Kubokunun qalibi
• 1995/96 — Yüksək Liqanın qalibi
• 1995/96 — Azərbaycan Kubokunun qalibi

"Şəfa" FK-nın heyətində

• 2000/01 — Azərbaycan Kubokunun qalibi

"Xəzər Lənkəran" FK-nın heyətində

• 2004/05 — Premyer Liqanın gümüş mükafatçısı
• 2006/07 — Premyer Liqanın qalibi
• 2006/07 — Azərbaycan Kubokunun qalibi
• 2007/08 — Azərbaycan Kubokunun qalibi
• 2008 — Birlik Kubokunun qalibi

"Simurq" FK-nın heyətində

• 2008/09 — Premyer Liqanın bürünc mükafatçısı

Xarici keçidlər

• National-football-teams.com saytında profili  (ing.)
• Füzuli Məmmədov: "Sındırdığım futbolçulardan biri də qardaşım olub"  (az.)
• F. Mämmädov on scoresway.com  (ing.)