Georgi Berqman

Georgi Berqman
Şəxsi məlumatlar
Doğum tarixi	3 aprel 1854(1854-04-03)
Doğum yeri	Qürah, Kurax rayonu, Dağıstan MSSR, RSFSR
Vəfat tarixi	2 fevral 1929(1929-02-02) (75 yaşında)
Vəfat yeri	Marsel
Dəfn yeri	Nitsa rus qəbiristanlığı[d]
Vətəndaşlığı	Rusiya imperiyası  SSRİ
Hərbi fəaliyyəti
Mənsubiyyəti	Rusiya imperiyası
Qoşun növü	piyada
Rütbəsi	infanteriya generalı[d]
Döyüşlər	Rus-türk müharibəsi
Təltifləri

Georgi Eduardoviç Berqman (rus. Георгий Эдуардович Берхман; 3 aprel 1854, Qürah, Dağıstan MSSR – 2 fevral 1929, Marsel) — Rusiya piyada generalı. O, Birinci Dünya müharibəsi zamanı Osmanlı imperiyasına qarşı Berqman əməliyyatını təşkil etməklə tanınır. Berqman həmçinin, Rusiyada vətəndaş müharibəsi zamanı Ağ Ordunun komandiri olmuşdur.

Erkən həyatı

Georgi Eduardoviç Berqman 3 aprel 1854-cü ildə Dağıstan vilayətinin Kürax kəndində anadan olmuşdur. O, əslən Livoniya quberniyasından olan zadəgan Baltik alman ailəsindəndir. Ümumi təhsilini 2-ci Moskva Hərbi Gimnaziyasında almışdır.

9 avqust 1873-cü ildə Pavel Hərbi Məktəbində kursant kimi xidmətə girmişdir. 1876-cı ildə texnikumu bitirdikdən sonra gizir rütbəsi ilə 21-ci artilleriya briqadasının tərkibində Qafqaza göndərilmişdir. Sonra 1877–1878-ci illər Rusiya–Osmanlı müharibəsində iştirak etmişdir. 1881-ci ildə Baş Qərargah Akademiyasını bitirmişdir.

Qafqazda xidməti

1881–1887-ci illərdə Berqman 21-ci Piyada Diviziyasının qərargahının baş adyutantı olmuşdur. 19 mart 1888-ci ildə Qafqaz Hərbi Dairəsinin qərargahının səfərbərlik şöbəsinin baş adyutantı təyin edilmişdir. 1892-ci ildə "xidmətdə fərqləndiyinə görə" polkovnik rütbəsinə yüksəlmişdir.

Əsas xidməti Qafqaz Hərbi Dairəsinin Baş Qərargahında keçmişdir. O, 31 yanvar 1907-ci ildən 29 yanvar 1913-cü ilə qədər dairənin qərargah rəisi olmuşdur.

29 yanvar 1913-cü ildə Kazan Hərbi Dairəsinə köçürülmüş və 24-cü Ordu Korpusunun komandiri təyin edilmişdir. 14 aprel 1913-cü ildə "xidmətdə fərqləndiyinə görə" piyada generalı rütbəsinə yüksəlmişdir.

Birinci Dünya müharibəsi

2 yanvar 1914-cü ildə 2-ci Qafqaz Ordu Korpusunun komandiri təyin edilmişdir. O, burada müharibəyə getmişdir.

11 dekabr 1914-cü ildən 4 fevral 1915-ci ilə qədər Berqman 1-ci Qafqaz Ordu Korpusunun komandiri olmuşdur. 4 fevral 1915-ci ildə Qafqaz ordusunun baş komandanının sərəncamına təyin edilmişdir. Sarıqamış qoşun dəstəsinin başçısı kimi Sarıqamış döyüşündə Osmanlı ordusu üzərində parlaq qələbə qazanaraq 26 iyul 1916-cı ildə 4-cü dərəcəli "Müqəddəs Georgi" ordeni ilə təltif edilmişdir. O, mükafatı bir müddət sonra almışdı, çünki əvvəlcə qələbə Qafqaz ordusunun səhra qərargahının rəisi, general-leytenant Nikolay Yudeniçə aid edilmişdir. Berqman 13 noyabr 1916-cı ildən 5 aprel 1917-ci ilə qədər Cənub-Qərb və Rumıniya cəbhələrində 40-cı Ordu Korpusunun komandiri olmuşdur.

O, Könüllü ordunun üzvü idi, onunla birlikdə Konstantinopola, sonra Bolqarıstana getmiş, daha sonra Marselə köçmüş və burada Rusiya Ümumhərbi İttifaqının şöbəsinə rəhbərlik etmişdir.

2 fevral 1929-cu ildə vəfat etmişdir. Onun külləri 9 mart 1930-cu ildə Nitsada yerləşən Rus Pravoslav qəbiristanlığına köçürülmüşdür.

Ailəsi

• Həyat yoldaşı Yelena Vasiliyevna (1864–1963), general Vasili Pottonun qızı.
• Övladları: Yelena, Georgi, Nataliya, Mariya, Veronika, İrina.

Mükafatları

• 4-cü dərəcəli "Müqəddəs Anna" ordeni (1878)
• Qılınc və kamanla 3-cü dərəcəli "Müqəddəs Stanislav" ordeni (1878)
• Qılınc və kamanla 3-cü dərəcəli "Müqəddəs Anna" ordeni (1878)
• 2-ci dərəcəli "Müqəddəs Stanislav" ordeni (1884)
• 2-ci dərəcəli "Müqəddəs Anna" ordeni (1888)
• 4-cü dərəcəli "Müqəddəs Vladimir" ordeni (1895)
• 3-cü dərəcəli "Müqəddəs Vladimir" ordeni (1900)
• 1-ci dərəcəli "Müqəddəs Stanislav" ordeni (1904)
• 1-ci dərəcəli "Müqəddəs Anna" ordeni (1906)
• 2-ci dərəcəli "Müqəddəs Vladimir" ordeni (5 sentyabr 1909)
• "Ağ qartal" ordeni, (6 dekabr 1912)
• Qılınclı "Müqəddəs Aleksandr Nevski" ordeni (7 iyul 1915)
• 4-cü dərəcəli "Müqəddəs Georgi" ordeni (26 iyul 1916)

Əlavə ədəbiyyat

• Rutych NN Biographical reference book of the highest ranks of the Volunteer Army and the Armed Forces of the South of Russia: Materials for the history of the White movement. - M., 2002
• Zalessky K.A. Who was who in the First World War. - M., 2003
• Berkhman's biography
• Berkhman, Georgy Eduardovich. Great Russian Biographical Encyclopedia (electronic edition) (Version 3.0). M.: Businessoft, IDDK. 2007.
• Berkhman Georgy Eduardovich
• Korsun N.G.Sarykamysh operation - M .: Military Publishing House of the NKO of the USSR, 1937 .-- 164 p.
• Sarykamysh operation, 12-24 December 1914: some documents