Kristops Kuolumbos
Kristops Kuolumbos (Cristoforo Colombo, aba Cristóbal Colón; 1451 m. rogpjūtė 25 d. a spalė 31 – 1506 m. gegožė 20 d. Valjadolėdė) bova italu kėlėma keliautous ė kopčios, tarnavė̄s Ėspanėjē. Ons ožvis labiausē ėšgarsiejė̄s dielē Amerėkas žemīna atradėma 1492 m. Bet ons pu prauda nabova pėrms Euruopas žmuogos, pasėikė̄s Amerėkas krontus. Ton da geruoka onkstiau padarė vėkings Leifos Erėksuons, bet anuo atradėms dėdliuojuo Euruopas dalie palėka nažėnuoms. Vuo pu Kuolumba keliuoniu spierē prasidiejė Amerėkas ožvajėvuojėms.
