2 лютага

2 лю́тага — 33-і дзень году паводле Грыгарыянскага календару. Да канца году застаецца 333 дні (332 у невысакосным годзе).

Падзеі

• 962 — Атон I Вялікі стаў імпэратарам Сьвятой Рымскай імпэрыі
• 1348 — адбылася бітва на Стрэве паміж арміяй Тэўтонскага ордэна і злучанымі войскамі Вялікага княства Літоўскага і Смаленскай зямлі, абодва бакі панесьлі вялікія страты, але кожны зь іх лічыў сябе пераможцам
• 1536 — заснаваная сталіца Аргентыны — Буэнас-Айрэс
• 1626 — каранацыя Карла І, караля ангельскага
• 1831 — пачатак пантыфікату Грыгорыюса XVI, 254-га папы рымскага (1831—1846)
• 1848 — скончылася амэрыкана-мэксыканская вайна 1846—1848 гадоў
• 1886 — у ЗША ўпершыню афіцыйна сьвяткавалі дзень сурка
• 1919 — пачаўся 1-ы Ўсебеларускі зьезд Саветаў
• 1920 — у Тарту падпісаная мірная дамова, згодна зь якой Расея прызнала незалежнасьць Эстоніі
• 1945 — пачаў дзейнасьць Польскі народны банк
• 1968 — распачаў працу Гудзевіцкі дзяржаўны літаратурна-краязнаўчы музэй створаны Алесем Белакозам
• 1971 — у Рамсары (Іран) падпісаная канвэнцыя па ахове водна-балотных надзелаў міжнароднага значэньня
• 2010 — у Менску заснаваная прэмія «Люблю Беларусь»
• 2017 — набыў моц Кодэкс Рэспублікі Беларусь аб культуры

Нараджэньні

• 1208 — Якуб I Арагонскі, граф Барсэлёны, кароль Арагону, Валенсіі, Мальёркі і лорд Манпэлье (1213—1276).
• 1494 — Бона Сфорца, каралева польская і вялікая княгіня літоўская, другая жонка Жыгімонта I Старога
• 1522 — Лёдавіка Фэрары, італьянскі матэматык
• 1536 — Пётар Скарга, езуіт, прапаведнік, агіёграф, палемік, адметная фігура Контрарэфармацыі ў Рэчы Паспалітай.
• 1649 — Бэнэдыкт XIII, папа рымскі (1724—1730)
• 1677 — Людвік Сяніцкі, адміністратар Радзівілаўскіх маёнткаў у Біржах
• 1730 — Ян Стафан Гедройц, рымска-каталіцкі й дзяржаўны дзяяч ВКЛ, біскуп
• 1754 — Шарль Марыс дэ Талейран-Пэрыгор, францускі палітык і дыплямат
• 1829 — Альфрэд Брэм, нямецкі заоляг
• 1838 — Кастусь Каліноўскі, беларускі рэвалюцыянэр, публіцыст
• 1861 — Карэл Штэкер, чэскі тэарэтык музыкі, кампазытар, арганіст, музычны пэдагог.
• 1882 — Джэймз Джойс, ірляндзкі пісьменьнік і паэт
• 1902 — Станіслаў Грынкевіч, беларускі лекар, пісьменьнік, культурны, грамадзкі і палітычны дзяяч
• 1903 — Абрам Абкін, расейскі фізыохімік
• 1904 — Валеры Чкалаў, савецкі лётчык-выпрабавальнік
• 1926 — Валеры Жыскар Д'Эстэн, францускі прэзыдэнт
• 1931 — Дрыс ван Ахт, прэм’ер-міністар Нідэрляндаў (1977—1982)
• 1933 — Тан Швэ, ваенны дыктатар Бірмы.
• 1934 — Атар Іяселіяні, грузінскі кінарэжысэр
• 1935 — Уладзімер Пранько, беларускі кінаапэратар
• 1941 — Пятро Садоўскі, беларускі мовазнавец, палітык і дыплямат.
• 1955 — Лешак Энгелькінг, польскі паэт, празаік, эсэіст, гісторык літаратуры, літаратуры крытык, перакладчык
• 1958 — Данчык, беларускі сьпявак
• 1963 — Андрэй Кіска, прэзыдэнт Славаччыны (ад 2014 г.)
• 1978 — Бары Фэрг’юсан, шатляндзкі футбаліст, паўабаронца і гуляючы трэнэр
• 1980 — Фляран Бальмон, францускі футбаліст, які гуляе на пазыцыі цэнтральнага паўабаронцы.
• 1985 — Дэніс Альеч, кенійскі футбольны нападнік
• 1985 — Сылвэштры Варэла, партугальскі футбаліст
• 1986 — Антон Кавалеўскі, беларускі футбаліст, брамнік
• 1987 — Жэрар Піке, гішпанскі футбаліст каталёнскага паходжаньня, абаронца
• 1990 — Аляксандар Макаранка, беларускі штангіст
• 1990 — Сяргей Кандрацьеў, беларускі футбаліст, абаронца.
• 1991 — Натан Дэлфунэса, ангельскі футбаліст.

Сьмерці

• 483 да н. э.: Сідхартха Гаўтама, індыйскі прынц, пасьля пераўвасабленьня Буда
• 1250 — Эрык XI, кароль Швэцыі
• 1348 — Нарымонт, князь полацкі і пінскі, сын Вялікага князя Гедзіміна
• 1746 — Мікалай Фаўстын Радзівіл, дзяржаўны дзяяч Вялікага Княства Літоўскага
• 1892 — Люцыян Крашэўскі, беларускі і польскі мастак, фатограф
• 1907 — Дзьмітры Мендзялееў, расейскі навуковец, хімік
• 1974 — Ян Бацянскі, польскі дыплямат
• 1979 — Сыд Вішэс, брытанскі музыка
• 1983 — Мікола Прашковіч, беларускі дысыдэнт, літаратуразнаўца, перакладчык
• 2014 — Філіп Сеймур Хофман, амэрыканскі актор, ляўрэат прэміі Оскар

Сьвяты

• Каталікі сьвяткуюць Грамніцы або Стрэчаньне — дзень сустрэчы зімы зь летам. Лічыцца, што ў гэты дзень ужо можна пачуць грымоты і пабачыць навальніцу. Маўляў, прайшла палова зімы. Пра гэта сьведчыць і прыказка: «На Грамніцы палавіна зіміцы»
•  ЗША: Дзень Сурка

2 лютага — сховішча мультымэдыйных матэрыялаў