Гравітон

Гравіто́н — гіпатэтычная бязмасавая элементарная часціца — пераносчык гравітацыйнага ўзаемадзеяння без электрычнага зараду. Павінен мець спін 2 і два магчымыя напрамкамі палярызацыі.

Гіпотэза аб існаванні гравітонаў з'явілася дзякуючы поспеху квантавай тэорыі поля (асабліва Стандартнай мадэлі) у мадэляванні паводзін астатніх фундаментальных узаемадзеянняў з дапамогай падобных часціц: фатоны ў электрамагнітным узаемадзеянні, глюоны ў моцным узаемадзеянні, W^± і Z-базоны ў слабым узаемадзеянні. Прытрымліваючыся гэтай аналогіі — за гравітацыйнае ўзаемадзеянне таксама можа адказваць нейкая элементарная часціца.

Шэраг фізікаў аспрэчвае саму гіпотэзу пра існаванне гравітона як безгрунтоўную. Напрыклад, калі гравітоны існуюць, то яны павінны выпраменьвацца чорнымі дзіркамі, што, верагодна, супярэчыць Агульнай тэорыі адноснасці.

Гл. таксама

• Гравітацыйныя хвалі
• Квантавая гравітацыя