Пітэр Клас

Пітэр Клас
Дата нараджэння	1596, каля 1597 ці не раней за 1597 і не пазней за 1598
Месца нараджэння	Berchem[d], Антверпен, Герцагства Брабант, Габсбургскія Нідэрланды
Дата смерці	не раней за снежань 1660 і не пазней за 1 студзеня 1661
Месца смерці	Харлем, Паўночная Галандыя, Рэспубліка Злучаных правінцый
Грамадзянства	Паўднёвыя Нідэрланды  Рэспубліка Злучаных правінцый
Дзеці	Нікалас Пітэрс Берхем
Род дзейнасці	мастак
Жанр	нацюрморт
Мастацкі кірунак	Залаты век галандскага жывапісу[d]
Уплыў на	Нікалас Пітэрс Берхем
Член у	Харлемская гільдыя Святога Лукі[d] Антверпенская гільдыя Святога Лукі[d]
Медыяфайлы на Вікісховішчы

Пітэр Клас (нідэрл.: Pieter Claesz; каля 1597, Берхем — 1 студзеня 1661, Харлем) — галандскі мастак, майстар нацюрморта.

Аб ранніх гадах Класа амаль нічога невядома. У 1617 годзе ён ажаніўся ў Харлеме, у 1620 годзе ў яго нарадзіўся сын Нікалас, будучы вядомы мастак-пейзажыст.

Разам з Хеда Клас з’яўляецца заснавальнікам харлемскай школы нацюрморта. Яго нацюрморты падзяляюцца на дзве групы. Да першай адносяцца «сняданкі» і «банкеты». На іх звычайна намаляваны збаны, куфлі, фарфор, хлеб, сыр, віно, вустрыцы, рыба, птушка, вяндліна, масліны і арэхі. Вельмі часта ён выкарыстоўваў лімон. Да другой адносяцца творы папулярнай у той час у Галандыі разнавіднасці нацюрморта «ванітас», у якіх пры дапамозе сімвалаў — свечкі, чэрапа, гадзіннікаў, музычных інструментаў, старадаўніх кніг і т. п. — выяўляецца біблейская канцэпцыя мітуслівасці жыцця.